.
.
يسعد مساء البنات الي قاعدين وسهرانين على عالم حواء
وشلوونكم مع البرد ..عساكم بس متدفين عدل
اليوم أنا باأفتح معاكم موضوع التعامل بين الأزواج والفرق بين حياة الزوجين قبل ثلاثين وعشرين سنه والأزواج الحاليين
وهل لاحضتي فرق في معاملة الزوج لزوجته قبل زي أبوك مع أمك أو عمك وزوجته أو جدك وجدتك
وبينك وبين زوجك أذا كنتي متزوجه
ولا أخوك مع زوجته أو أختك مع زوجها يعني هل فيه فرق من ناحية الرومانسيه والكلام الحلووو
مثلا معروف عند أهل نجد قديما كان الرجال ينادي زوجته يالهيييش خخخخخ وأكيييد في بعض المناطق كان عندهم مسميات مشابهه:hahaha:
وطبعا موب الكل لكن الأغلبيه كذا بالنسبه لي الوالد الله يطول عمره ماقد سمعته ينادي أمي بالهيش كان يناديها باسمها
بس سمعت جدي الله يرحمه ينادي جدتي يالهييش وعمي بعد رحمة الله على الجميع
الجيل ذلحين تطور وفهم وصارت الزوجه لها تقدير وصرنا نسمع ياروحي وياعمري مع انه موب الكل يقولها
فيه ناس أعرفهم زييين ماعمره قال لزوجته ياحبيبتي ومن هالكلام بالرغم انه يحبها!!
عندكم انا مثلا للحين:arb:يقول يالهييش:mad: وخاصه لمن يكون تعبان ههههه مع انه متعلم وجامعي بس عاااد وش نقوول
طييب أنتوا وش رايكم يابنات هل لاحضتوا فرق بين جيل أول والجيل الحالي ولا هو هو نفس الشي؟
× فنجان قهوة × @fngan_kho_1
محررة ماسية
يلزم عليك تسجيل الدخول أولًا لكتابة تعليق.
حايليه111
•
يسعدني اكون اول وحده ترد اماالبررررررررررد ذبحنا برد موت اماباالنسبه عن موضوعك يعطيك العافيه ان فيه فرق كبيرابوي الله يطول بعمره ماينادي امي بااسمها كل يوم مخترع لها اسم حسب المزاج رايق اسم حلو معصب يالهيش واخواني دوبهم تزوجوانواع اسامي الدلع لازوجاتهم
w0w0w
•
فنجان قهوه يامرحبا يامرحبا منوره
البرد والله عامل عمايل تشوفين براطمي زرقا
المهم
عندنا زمان يقولون ياولد اذا فيه غريب واذا بس العايله في البيت يقولون يابنت او باسم الحرمه
طبعا فيه فرق في المعامله الحين احترام اكثر للمراءه ....بس تصدقين ما زال فيه رجال ينادون زوجاتهم ياهيه ولا انتي ......عاد هذولي ودك تعلقينهم برجولهم:angry2:زوجتك تقولها انتي :09:
البرد والله عامل عمايل تشوفين براطمي زرقا
المهم
عندنا زمان يقولون ياولد اذا فيه غريب واذا بس العايله في البيت يقولون يابنت او باسم الحرمه
طبعا فيه فرق في المعامله الحين احترام اكثر للمراءه ....بس تصدقين ما زال فيه رجال ينادون زوجاتهم ياهيه ولا انتي ......عاد هذولي ودك تعلقينهم برجولهم:angry2:زوجتك تقولها انتي :09:
(نوووشه) :
والله اول مررره اسمعها هالكلمه يالهييشوالله اول مررره اسمعها هالكلمه يالهييش
وانا بعد اول مره اسمعها
الصفحة الأخيرة