بي مساعدتكم بأسرع وقت ممكن

السلام عليكم اخواتي خبيرات الديكور في المنتدى
بصراحه انا عندي مشكله وابي منكم انكم اتساعدوني فيها
انا انشاء الله بتزوج قريب واثثت البيت لكن في مشكله واجهتها في تأثيث البيت

عندي الصاله في البيت صغيره نوعا ما فصبغتها باللون الازرق السماوي الفاتح وهذا بعد ما صبغتها قبل هاللون بثلاث الوان بس بكل مره ما يضبط

المهم اني اشتريت لها الكنب اللي هو الكحلي الخام اللي جاي على الشمواه يعني صارت الصاله سماوي وكحلي وارجل الكنب سلفر
بس مشكلتي انه الحين احس انها في شي ناقصها واحس انها كئيبه واتعب العين نوعا ما علما انه الصاله مالها شباك( بصراحه البيت تصميمه جذي من اخذناه يعني مو احنا اللي امصممينه )

وعندي فكره جت على بالي بس ما ادري اذا كانت راح تنفع ولا لا واذا عندكم شي اتتفيدوني فيه انا اتقبل منكم النصايح

قلت بحط في جهه من الجهات في الصاله مرايا يعني بدل الشباك وراح احط عليها ستاره وكأنه في ذا المكان شباك ( دريشه ) واخليها ملمومه من على جنب واتكون الستاره من الشيفون اللي اتكون فيه لمعة مثل الاورجنزا لونها ابيض وانا شفت نوع من الاشرطه اللي جايه مثل الدانتيل الكحلي ممكن اني اخيطها على الستاره بالطول واتكون شريط الدانتيل اهي تعليقة الستاره بالحديده مالتها

بس ما ادري شو رايكم علما انه اضاءة الصاله لونها ابيض

واتمنى انكم اترود علي بسرعه لانه مو باقي شي على عرسي كلها اقل عن اسبوعين وابي اخلص هالشغلات بسرعه

تحياتي لكم
:27: مس منصور