هالموضوع للي توهم باديين يدخلون في عالم التنظيف والتنظيم والترتيب ..
وبدوا يفهمون إن التنظيف السطحي ما ينفع ,
زي ما ذكرت بالعنوآن
وش جدولكم اليومي الإسبوعي والشهري للتنظيف و الترتيب " بعيد عن المثاليات " ..
إنتي متزوجه ؟ أو عزباء ؟
عند أطفال ؟
ووش الإضافات اللي قررتي تضيفينها بالتدريج .. زي مثلاً قررتي تضيفين لـ جدولك مسح السيراميم يومياً بعد ما كنت تمسحينه إسبوعياً ..
أو قررتي تضيفين تنظيف الثالجه من إلى كل إسبوع بعد ما كنتي ما تجين صوبها ابد
أنا هالفترة أحس بالتقصير ..
جدولي مو محدد ..
اقوم الصباح 8 أو 9 أطلع دجاج أو لحم وأروح أفطر وأروق شوي وأرتب غرفة الجلوس وأكنسها يومي
بعده أقوم أرتب المطبخ من مواعين الفطور للي كانوا قبلي وأمسح الأسطح وأبدأ أجهز الغداء ..
إذا خلص الغداء غسلت المواعيد أمداها جت الساعه 2 ..
أروح أريح شوي وأرجع الساعه 6 أسوي العشاء ..
ما تجي 11 إلا مطبخي نظيف يلق ..
بالنسبة لـ مسح السيرامك والحمامات ما أجيهم إلا بِ الإسبوع مره
والمجالس ما أجيهم إلا وقت ما يجينا أحد ..
وغرف النوم ما أجيهم إلا بالشهر مره <~ تخيلو >.<
طبعاً هالشي أحسه ولا شي , يمكن اللي لـ حآلهآ هي وزوجهآ تعتبره إنجآز لإنه مآ تصير كركبة ولا وسخ مجرد مسح الغبآر ..
لكـن أنآ إحسه (X) لإني بالبيت عندي نآس كبآر وآطفآل .. وعآرفين كيف يصير البيت معهم ..
الشي الإيجابي الوحيد اللي أسويه .. إني ما أحب أبداً بتاتاً البته أشوف مطبخي وسخ وهذي أحسها حسنه فيني ..
بس باقي الأشياء اللي ما أسويها شوي شوي إن شاء الله تتحسن أموري
فـ قررت إن شاء الله أضيف لـ جدولي شيئين :
1/ كنس البيت يومياً وتعطيرة وتبخيره ..
2/ غسل الحمامات يومياً ..
وبالتدريج راح أضيف شغلات جديده لما أتعود على هالشغلات وأحسها إسلوب حياة يومي لازم أسويه ..
الموضوع متجدد إن شاء الله , اتمنى أن أجد من يشاركني فيه