الله يرحمنا برحمته يامدلعه الغبار خلاص فحلقي عيون بنتي راحت فيها الله يكفينا شره ويارب تمطر السماء وتنظف الرياض

مسآء الخير~
كيفكم بنات؟ وكيف الكتاكيت؟
أنا باقي لي أقل من اسبوع وأدخل الثامن على خير يارب
الله يتمم لي ولكم على خير ويرزقنا ولادة طبيعية سهلة

وهج
طمنينا عنك
الله يطمن قلبك وتشوفي ولدك بصحة وعافية
ادعي واستغفري كثير
وتأكدي إنه اللي ربي كتبه أكيد فيه خيره لك "وعسى أن تكرهو شيئًا وهو خير لكم"

اللي عندهم غبار الله يعينكم
نحن كان عندنا بداية الاسبوع
الحمدلله على كل حال

بسألكم بنات يمكن تناقشتو في هذا الموضوع قبل كذا بس حابة أشوف آراءكم
كل وحدة تكتب لنا نوع الحليب اللي بتستخدمه للبيبي؟
أنا شكلي هالمرة حجرب اس 26
في بنتي أخذت سيميلاك في البداية وعمل لها إمساك وغيره لها الدكتور لرونالاك اعتقد
واستمرت عليه لين صار عمرها 5 شهور وبعدها ماتقبلته أبداً
جربت لها نوعين أو ثلاث وماتقبلتها
وتعبت معاها الرضاعة الطبيعية لوحدها متعبة
الله يكتب لنا الأجر

هذا مسج وصلني جربوووه ..


للفائده
مكيفات السبلت
يوجد بها فلتر للعجاج ممتاز
حول DRY او شكل 💧
يفلتر الجو المحيط بالمكيف ..

مسا الخير بناااات اشغلتكم معي ودخلت اطمنكم رحت اخذت ابره الرئه ورجعت ومسكت سجادتي للفجر صليت وقلت بانام كم ساعه قبل 11 ماجانس نوم جلست اتقلب دقت ساعه زوجي للدوام مسكت فيه مايروح قال بروح استاذن وارجع نهضت صلحت فطوره ومشي وانا دخلت اللحمام احف جسمي واتجهز رجع عشره ورحنا باقي على موعدي نص ساعه مدري شلون مرت خوف ورجفه بكل جسمي الساعه 11دخلت عللدكتوره حولتني لكشك الولاده وهي لحقتني كشفت علي اااااه هذي اصعب لحظه من حملت مت من الكشف قبل لا تدخل يدهاا اصرخ واشد نفسي استحملتني وهدتني رابع مره عصبت علي ويحق لها وبعدها رخيت وكشفت حسيت بالم بسيط لا يذكر مدري على شنو كنت اصارخ قبل المهم كشفت وقالت ماشاء الله الرحم لين بس بعيد بس كذا ما حاطولي كلها ثلاث ايام ووالده ان شاء الله حطت جل الطلق وقالت راح يبدا مفعوله بعد خمس ساعات بيجيكي مغص زي مغص الدوره ومتباعد مب ذا الطلق الي يولد باقي لو تقدري تمشي امشي معاه عشان ينزل البيبي للحوض وتعالي الساعه سبع للتخطيط قتلها ضروري قالت ضروري عشان نعرف قد ايش الطلق وكيف نبض الجنين معاه قلت طيب وخرجت وصلت البيت على اذان الظهر اموري تمام عالسااعه 2 تغديت وتمددت شوي والا تصيحني ذيك الطلقه يمممه ارتعبت وسجلت الوقت كان اثنين وثلث وعشر دقايق جت نفس الطلقه ومسكت معي كل عشر دقايق لين اربع العصر صليت وقعدت اراقب الوضع اختفى الطلق قلت اشوى مب ولاده جاب زوجي سرير لامي رحت فرشته وبخرت غرفتها ومشيت فيها الا وترجع نفس الطلقه بس اقوى تضرب ظهري واسفل بطني عصرتتي عصر وصارت كل سبع دقااايق ماعاد اقدر اوقف منها وماسك معي الالم للان كل سبع دقايق منتظم بس مب متقارب تقعد الطلق اربعين ثاانيه تقريباا وتروح منتظره تجي الساعه سبع واروح ودي اطلبها الطلق القوي وارتاح دام الولاده فيني فيني ليش العذاب كم يوم تخليني كذاا يالله الاجر