تآثير سورة البقرة في حياتي ( نفسيا قبل كل شي )

صدق الرسول صلى الله عليه وسلم
(( إلى كل من أراد البركة في كل أمور حياته، عن أبي أمامة قال: قال رسول الله صلى الله عليه وسلم: «اقرؤا سورة البقرة فإن أخذها بركة وتركها حسرة ولا تستطيعها البطلة»، والبطلة: هم السحرة.
تجلب البركة و تدفع الشر و تركها عكس ذلك
من واقع قراءتي لها تخيلي معي انك في مكان و براسك طموحات و احلام و هم في امور متعسره ،،، و ان الاشياء اللي تتمنيها خلف حاجز
تجي انتي تقرآي سورة البقرة و كآن بيدك دبوس او مطرقه >>> تكسري الحاجز كل يوم طوبه او تفتحي منه فتحة كل يوم >> هو كذا اللي صار معاي
الي صار معاي حرفيا اني سنين طويله اسمع صديقتي تقول قريتها شهر وصار لي كذا والثانيه تقول قريتها شهرين وووو
كان ابليس يخيل لي انها المدة طويله
رغم اني زمان ب الثانوي صارت مسابقه علي حفظها وكنت كل نهاية اسبوع اجي اسمع اي شي حفضته منها و الان لمن اقراها اول ما ابدآ بالايه اكملها من عقلي يعني بس امسك اول كلمة من الايه و احيانا اتذكر الايه اللي بعدها
قعدت افكر خمسسس سنين قاعده بالبيت لييييشششش ما ضليت اقراها طول هالفترة
( اتكلم عن نفسي قبل كيف كنت و بعد بالذات من الناحية النفسيه و الافكار السلبيه اللي براسي )
ولله الحمد ربي معطيني صحة و عافيه ما عندي اي مشاكل تعيقني عن اكمال النصف الثاني ٠٠ لكن متخيلين كل بنت واثقه من نفسها و عندها استعداد لمواجهة موضوع خطوبه الخ الا انا
اقسم بالله اني اشوف نفسي افضل من كثير ربي اعطاهم ارزاق لكن انا نتيجة موقف مر علي بحياتي
حبيت ب صدق و رفضت كم واحد عشانه بالاخير ليتها جت على كلمة ما كتب ربي نصيب
انكسرت كسره يعلم فيها الله و نفسي انسدددت ( لاني تخيلت حياتي معاه بكل تفاصيلها )
بعدها ماعاد راسي يتقبل اي فكرة
كل انسانه ممكن متوقعه انها كيف تنخطب وكيف استعدادها لمواجهة الزواج و كيف تكون زفتها و تفاصيل الفرح ( انا عقلي من جوا مقفل حتى تخيل و تصور الموقف مو قادره اتخيله )
احسه من سابع المستحيلات <<<<< هذا عقلي يقول كذا
تخيلوا اني كنت اقول مين بيسوي لي عرسسس ومن كثر التشاؤم اقول ما راح تعدي الفرحة على خير
اقسم بالله
اني من قريت البقرة ب فتره
الافكار هذي تلاشت تلاشت تلاشت
بديت التفت لنفسي اقول اوووه جسمي كارثه كيف لو جاء احد فجاءه و طلب نضرة شرعية
ليش اهملت نفسي كذا
متخيلين اللي كان عقلي ما يستوعبه ولا حتى يصور لي المشهد صار عادي و متفائلة كمان
فيه شي كمان \ لما كان قلبي منعمي بالحب كنت خلاص مسوية كل التفاصيل براسي ابغا كذا كذا كذا
و بيني و بين نفسي تعرفون ( الغبطه او لو حصل كيف راح استوعب الموقف كيف راح اتمالك نفسي من الفرحه )
الان مستوعبة الشي ذا عادي >>> ؟؟؟؟
بالنسبه لي عادي جدا شي ولابد يصير
ما انكر اني هالخمس سنين ( دخلت قروبات ختم مكثف و استغفروا يابنات الف ولا الفين و صلو على الرسول مليون و لا تجي وحده تقول دعيت بهذا الدعاء اليوم الثاني توضفت و يجي سرب متبع ولا كآن ربنا نزل علينا نبي معلمنا كيف نعبد و ندعي الا نقعد ندور من الهامات و ايحاءات الناس في طرق اكتشاف الطريق الا الله ) انتبهوا يا بنات عمري ضاع معاهم ثانيا لا يكلف الله نفسا الا وسعها
اهم شي صليتي << ولو حافضتي على الضحي خير و بركة اهم شي الوتر ب ثلاث ركعات او ركعه ( مو شرط تقومي الليل بسورة البقرة كامله زي مو انتشر هالشي بين البنات ) و الضحى حافضي عليها
اذكار بعد الصلوات و الصباح و المساء حافضي عليها
جزء من القران مع سورة البقرة
ورد تسبيح عندي مجمعه كل الصيغ بكل وحده مية مرة كافيه زي مو مكتوب بالاحاديث ( و لا نبدل كلام النبي المرسل ) و نآلف انه لازم الف مره
و اذا تبغي تمسكي صيغة ذكربكثرة لا تحسبي العدد ولا تفكري لازم لازم لازم اوصل ل الف ولا الفين (تفتحي على نفسك مدخل ل ابليس و تضلي طول عمرك تبدي و توقفي
و صيغ استغفار بالوتر
و صلي اللهم و بارك






اوصيكم بتغيير حياتكم بسورة البقرة