تأثير برنامج خواطر على حياتك ..؟؟

بسم الله الرحمن الرحيم



يالله حي بنوتات وحريمات عالم حواء:22:



شلونكم ياعسولات عساكم بخير ...



أكيد كثير منكم شاف برنامج أحمد الشقيري اللي جاء برمضان اللي اسمه خواطر ...



بصرااااحه شي خيااااال .. خلا سعابيلي تقوطر:eek:


يعني شي بصراحه يبهر ويحطم في نفس الوقت ... يخليك تشعرين بالخوف زيادة وعدم الثقة بالمجتمع اللي احنا فيه ..


أكيد شفتم الحلقة اللي بغى يختبر فيها أمانة اليابانيين وحط محفظته في الشارع وجات اليابانية هي وزوجها وقعدوا يدورون على صاحب المحفظة وفي الأخير ودوها للشرطة :42:

ويوم جاء يختبر العرب وحط محفظته بالشارع مر شاب عربي محترم هو وزميله :(وخذوا المحفظة من غير تردد حتى مافكروا يتأكدون هو صاحبها قريب ولا بعيد .. وقعدوا يضحكون وحطوها بجيوبهم وتواعدوا انهم يتقاسمون اللي داخلها :angry2: بصراحه حسيت بحزن فظييييييييييع من هذي الحلقة ... حسيت انه فعلا علينا السلام .. عليه العوض ومنه العوض زي مايقولون ...


شي بصراحه يفجع ....وغيره وغيره من الفضايح .. القذارات اللي عندنا .. والفوضى .. وعدم احترام الوقت يعني معروف العربي اذا قال لك بجيك الساعة 5 يقصد الساعه 8 لا وفيه ناس يتفاخرون بهالشي ..


أعرف وحده بصراحه كنت أحبها وأحترمها لكن طاحت من عيني وعرفت ان ماعندها ماعند جدتي .. اتفقت أنا وياها نروح للسوق .. قمت مريت عليها بالسواق .. وقبل ماأمر عليها اتصلت فيها كذا مره .. كل ماقربنا من بيتها قلت ترى باقيلنا 5 دقايق ونوصل لك انتي جاهزة .. قالت ايه جاهزة قاعدة بعبايتي ...


المهم لما وصلت قسما بالله لطعتني في السيارة نص ساعة وأنا أستناها من غير مبالغة ... بصراحه من وقتها غسلت يدي منها وعرفت انها متغطرسة على غير سنع .. الظاهر شايفة الناس حشرات عندها وهي السيدة الملكة :p ...


المهم مالكم بالطويلة حبيباتي ...


بس أخيرا ودي أسألكم ياللي شفتم برنامج خواطر ... ايش أكثر حلقة حسيتم انها فعلا أثرت فيكم وغيرت شي فيكم ...


وأيش هو الطبع اللي حسيتي انه غلط ولازم تغيرينه ..؟؟


وهل غيرتيه ولا لأ ...؟؟


نسيت أذكر لكم عن كلام أحمد الشقيري كيف انهم في اليابان يحترمون العامل عندهم ويحاولون يوفرون له سبل الراحه مو مثلنا محتقرين الشغالات والعمال اللي عندنا ...


بصراحه بعد برنامجه صرت أحترم شغالتي وأحاول اني ماأخلي أحد يزعجها أو يضغط عليها ولو بيدي حبيت راسها ورجلينها بعد:p والله تستاهل قايمة بأمورنا ومريحتنا صح عليها حركات نص كم ولكن جل من لايسهو ..