تأخرتي بالزواج تعال اقري قصتي

مرحبا يابنات وش اخباركم
انا وحده تاخرت بالزواج وكان يضيق صدري اذا انعزمنا او في اجتماع ما احب اروح عشان مايقولو الله يرزقك وانحرج قدام المتزوجات
المهم مره عزمت امري انو ما افكر باي حاجه وان اللي كاتبو ربي هو اللي بيصير
كنت اصلي بالليل وابكي بسجادتي واشكي لربي والله يابنات كنت احس ان ربي قريب ليا مره
وبديت اولا اقرأ سورة البقره لمدة سبع ايام
وبعدها ماحلمت بشي لان الناس يقولو لو فيه حسد او عين الواحد يشوفو بمنامه وماشفت حاجه وارتحت الحمدلله مافيني شي ماشاء الله
بعدين صرت كل ماخلصت من الصلاة قريت سورة يس اكيد القران كله خير بس سمعت انو سورة يس لما قرأت له
توكلت على الله وكنت اقراها كل ليله طبعا مع الاستغفار والله يابنات ماشاء الله تبارك الله بكل وقت كنت استغفر بالاول كنت انسى شوي بعدين تعود لساني على الذكر وبديت اطلع للمناسبات مع امي وكل ماسمعت حاجه تجرحني كتمت زعلي وافرغ اللي بصدري وانا بسجادتي وسبحان الله ما مر شهرين الا اخوي يفاتحني بخطبة صاحبه ليا بس انا ماوافقت لان سنه مثلي وخفت وبعدها ولد صديق اخويا الكبير وبعد رفضت لانه ساكن خارج مدينتي
وسبحان الله كل فتره يجي احد لحد ما ربي رزقني بزوجي وان شاء الله يكون لي عون بهالدنيا ويكون من خيرة الرجال ويهديه ويبعد عنه اولاد الحرام....
الحين ليا كم شهر متزوجه وانتظر الحمل بفارغ الصبر نفسي بطفل يعوضني تعبي وحزني ويملي علي دنيتي
يابنات مهما صار خلو املكم بالله كبير سبحانه مقسم الارزاق والامر كله بين يديه لاتيأسو ادعو الله بقلب صادق واستغفرو وبتشوفو كل خير باذن الله
يارب زوج كل بنت بزوج صالح يخافك ويخشاك
وارزق كل متزوجه الذريه الصالحه كاملة الخلق والخلق
اللهم اغفر لنا وسامحنا وتب علينا انك انت التواب الرحيم
لك الحمد ولك الشكر على كل نعمك وفضلك.....التى لاتعد ولا تحصى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يارب ارزقني الولد الصالح عاجلا غير اجلا اجعله سليم معافى دون زياده اونقصان