تأخري بالحمل والحمدلله ربي رزقني ❤️

السلام عليكم
كيف حالكم اخواتي
بقولكم قصتي من اول زواجي
تأخرت بحملي يمكن سنتين وقلت ليش ماارجع اشوف وش عندي سويت تحاليل قالت الدكتوره هرمون الحليب عندي مرتفع ولازم اخذ حبوب عشان يتعدل واحمل جلست على العلاج فتره وماصار حمل بعدها سوتلي سونار من تحت قالت اشوف المبايض عندك ضعيفه لازم ابر تفجيريه وكنت اخذها والتزم بالوقت بكل شي وكملت اربع سنوات ماصار حمل وكانت عندنا ظروف عشان اهله ودايم نسافر وعانيت كثير من كلام الناس والله العظيم كنت ابكي وانهار ابي طفل بأي وسيله لدرجة كنت اخذ شرشف الصلاه والفه زي النونو وامشي ف البيت والله العظيم وصلت لهدرجه واخذت جكيت اخوي من لما كان صغير وعلقته ف الدولاب وكل شوي اطالع فيه وابكي وكانت اي وحده تحمل ماتقولي يخافون مني ويجرحوني كنت اشرب اعشاب كثير وبردقوش وميراميه وطفشت وتركتها بعد فتره سافرنا تأخرت الدوره وكنت احسب بالايام لان دورتي منتظمه واقول يارب ماتنزل وسويت تحليل والحمدلله طلعت حامل اش اقولكم طرت من الفرحه مو مصدققه بس لما وصلت الثالث قالو النبض متوقف يالله قد ايش تحطيم وبكي بعد خمس سنوات حامل سوولي تنضيف وجلست فتره طويله متحطمه وانتكست نفسيتي زياده ماانسى ذيك الايام تمر اربع شهور واطلع حامل الحمدلله يارب فرحت كثير بس الشهور الاولى بهذلت زوجي على المستشفيات خايفه اسقط ومر حملي بسلام وجبت ولد الله يحفظه ويهديه
بعد كم سنه حملت وجبت بنت اللهم لك الحمد وقبلها سقطت وطبعا تركت الادويه وتوكلت على الله ورزقني لاتيأسو تفائلو
بإذن الله كلكم تجون وتبشرونا بحملكم😻❤️