⭐️⭐️تأخري ف الحمل ومحاولة انجاب ولد⭐️⭐️

بسم الله
أنا بعد مارزقني الله بطفلتين استخدمت حبوب منع حمل مارفولين تقريباً سنه ونصف وعطتني مناعه بعدها حتى صارت بنتي الصغيرة عمرها اربع سنوات وقررت اتعالج بعد الحاح زوجي وعمتي ورحت مستشفى خاص وقالت عندك هرمون الحليب مرتفع وضعف تبويض وتعالجت من الهرمون وعطتني استخدم حبوب كلوميد مع ابره تفجيريه وصلحت نظام حمية انجاب الذكور تجنبت اي شي فيه كالسيوم وكثرت ف الملح واللحوم والبهارات والفلفل الرومي والباذنجان والموز تقريباً اربعه شهور مصلحه النظام ولا اراد ربي لي الحمل ذاك الشهر وبعده نفس الحاله كلوميد وابره تفجيريه تقريبا اربعه شهور ولا اراد الله لي الحمل وبعدها انتقلت ع الابر اسمها اتوقع فستومين مع ابره تفجيريه اول شهر مافادت وثاني شهر حملت بفضل الله وصار التوت بعد الابرة التفجيرية ب ثلاثين ساعة وكنت فرحااانه جداً لاني مصلحه النظام وكنت اشرب فوار يوريلايت الاخضر يقولون يصير جسمك قلوي ومرت الايام واحساسي يقول انك حامل بولد توحمت ع الحوامض والاجبان واللبن واللحم ولا جاني ترجيع مثل بناتي صح ماتوحمت بس كان حملي ثقيل جداً وحركة البيبي قوية جداً المهم جا الشهر الخامس وقررت اكشف ع جنس الجنين وصلحت سونار وقال الطبيب بنت وعادي عندي انا بنت والا ولد بس من شان زوجي يبي ولد صلحت ذا كله وكنت ابي اجرب من شان وحده من اخواتي خلفتها كلهم بنات وزوجها يبي يتزوج عليها كنت ابي اعطيها امل بعد الله المهم واقول بخاطري لا متأكده ولد وقررت ماعاد اصلح سونار واصلح بعد فتره تحليل الملح والماء وطلعت سحابه تحت يعني بنت كان شكل بطني طويل ومرتفع يعني ولد وكل من شافني قال ببطنك ولد نحفت جدا جدا وقريت النحف يعني ولد وفتحت بشرتي مره يعني ولد لان البنت يقولون تاخذ زين امها وانا متأكده اللي ببطني ولد مرت الايام والليالي وثقل الحمل الين جا وقت الولاده وولدت وطلع اللي ببطني
بنت
احمد الله واشكره عليها وجدا فرحانه بها والله يجعلها باره بي هي واخواتها صلحت كل شي بعد الله لإنجاب الذكر وتوكلت ع الله واختار لي ربي الخيرة وجاني بنوته والله يرزقني ويرزقكم ويرزق اختي ب الاولاد اللي يملون حياتها ويشيلونها انا تو اسجل وانا اقرا لكم من عشرات السنين بس حبيت افيدكم هذي قصتي ب اختصار
(يهب لمن يشاء اناثا ويهب لمن يشاء الذكور)
سبحانه
اختي ام البنات الحين حامل واسأل الله ان يرزقها الاولاد لانها ع وشك انهيار زواجها وعمتها ناشبه لها اذا ماجابت ولد بتزوج ولدها اللي هو زوج اختي 😢😢