تأخر الحمل بعد الطفل الأول 😩😔

السلام عليكم

اولا أرجو من المشرفات العزيزات ماتنقلو موضوعي بلييييييز احتاج افضفض شويه



بنات انا دائماً ادخل هذا القسم وأشوف المشاكل وأقول فعلا محد مرتاح .. انا يابنات اعااااااني من تأخر الحمل بعد الطفل الاول .. في البداية تزوجت وعلى طول بعد الزواج بشهرين تقريبا ماشاء الله حملت طبيعي وكنت جدا سعيييده وقتها وبعد ماولدت رفضت أخذ مانع لأَنِّي دايم اشوف زميلاتي يشتكو من الحبوب واللولب فقررت استخدم العزل ( القذف خارج المهبل) المهم يابنات جلست سنتين على هذا الوضع ونفعت ألطريقه أني مااحمل بعد ذلك قررت احمل ثاني وترك زوجي العزل ومن هنا تبدأ المعانااااااه مااقول الا الحمدلله على كل شي

يابنات ليا تقريبا سنتين من ترك زوجي العزل ولا حملت طبعا .. كنت كل شهر اترقب الدورة لا وعشت الدور أني حامل لكن بالاخير تنزل الدورة استغربت كثيييير انا مااكلت حبوب عشان أقول يمكن تعطيني مناعه بعد تقريبا كم شهر قررت اروح للدكتورة وطبعا طلبت مني تحاليل الهرمونات كلها وكمان بما أني ولدت قيصري قالت يمكن يكون في ألتصاقات سويت الصبغة سويت كل التحاليل وطلع كل شي سليم سويت كمان كشف عالرحم والمبايض والحمدلله مافي اي مشكله والدكتوره مستغربه حتى زوجي مافيه شي إنسان رياضي واكلو صحي .. بعد كده قررت اروح لاستشاري كبير عندنا ولما شاف التحاليل قال مافي اي مانع عندك للحمل بس خلينا نجرب كورس تنشيط عن طريق الكلوميد والإبر طبعا انا اتحمست وأخذتها وكل شهر أقول خلاص انا حامل وللاسف ٣ شهور كورس تنشيط وبالأخير تنزل الدورة 😔😔😔

اااااه يابنات خلاص ولدي حيدخل خمس سنوات ونا لازلت اعاااني من كان عمرو سنتين

طبعا بعد ماتركت التنشيط انشغلت شويه بالإجازة والسفر ولما رجعت قولت خليني اشوف دكتورتي مره ثانيه قالت اخر تحاليل للهرمونات سويتها قبل ٧ شهور خلينا نعيدها وعيدتها وبرضو كلو تمام



والله أني اكثرت من الدعاء والاستغفار والصدقة

ماانسى يوم عرفه جلست ابكي ساعتين ونا ادعي ان الله يرزقني

صحيح لما أفتكر اخواتي المحرومات أقول احمدي الله غيرك يتمنى لو طفل بس غصب عني

احن لصوت البيبي اشتققققققت جدا للنونو.. قبل كم يوم طلعت جوالي القديم وكان فيه صوري ونا حامل جلست ابكي لما شوفتها

بنات اللي تعرف إِيش سبب التأخر الحمل خصوصا أني مااخذت مواااانع عشان تعطيني مناعه

من جد الموضوع شاغل بالي واخاف يجيني عقم ومااخلف 😩



طبعا زوجي كان جدا يتعاطف معايا لما تنزل الدورة كنت ابكي ويهديني ويقول الحمدلله الله عطانا وفي غيرنا يتمنى لو ظفر طفل بس بعد كده طفش مني ومن شكواي صار يطنننننش ويتجاهلني احس ولاهمو عااادي عندو



طبعا نسيت اقولكم كل مااحد شافني لازم يعلقو ليش ماتجيبي اخ واخت لولدك واللي تقول بطلي دلع مرررره مصختيها وماشاء الله صحباتي اللي تزوجو بعدي خلفو ورا بعض الله يحفظهم



وكمان غير معانااااااة ولدي اللي طففففش من الوحدة المسكين ونا متغربه عن اهلي



ااااه بس إِيش أقول الحمدلله على كل شي

دعواتكم بالله في هذي الليله الفضيله أني اطلع حامل هذا الشهر يارب ياكرييم انا واخواتي المحرومات