اهلين بنات هذي اول مشاركة لي هنا 🤍
الموضوع و مافيه انه اختي عمرها ٢٠ سنه الدوره قطعتها لها سنتين ، رحنا مستوصف فيه دكتوره نسائية فهمت حالتها وقالت اهم شي نسوي تحليلين وهي " تحليل الغده و هرمون الحليب" تم عمل الفحوصات و اكتشفت انه فيه ارتفاع بهرمون الحليب و الغدة سليمه لله الحمد..
قالت الان راح نبدأ نعالج هرمون الحليب اعطتها نوعين ادويه دوا لهرمون الحليب تستخدمه لمدة شهر فقط و دوا لتنظيم الدوره و تنزيلها خلال اسبوع من بعد استخدام الدواء ، و سوت صوره بالالتراساوند للرحم ، وقالت الرحم طبيعي وسليم ١٠٠٪
مر اسبوع وحتى شهر والدوره ما نزلت من بعد استخدام الدواء ..
رجعنا للدكتوره قالت طيب تمام لازم بهذي الحاله اسوي كمان تحليلين
وهي تحليل هرمون الذكوره و التكيس
سوت التحاليل الاخيره و من بعدها سببت لنا رعب بظهور النتيجه!!
ما احكيلكم كيف يابنات الرعب نزل علينا و على حياتنا والخوف سيطر قالت البنت حياتها بخطر عندها فشل في المبايض!
عندي بالنتيجه مبايض البنت اكبر من عمرها الطبيعي كانه عمرها ٥٠ سنه😩😩
البنت معرضه لاقدر الله لهشاشه العظام ولالام في القلب الله يحفظها💔😔 وفوق كذا ما تقدر تخلف مستقبلاً! هذا كلامها اللي كسر قلوبنا
والله يابنات امي ما احكيلكم كيف انصدمت وتعبت وانكسر خاطرها خوف على اختي وهي مخطوبه اصلا واحنا في حيرة من امرنا مستقبل البنت وهي صغيره و زي القمر يارب يوقف معاها و مع كل واحده تعاني ومايكسر للبنات خاطر😔
انا زعلانه والله مو عارفه ايش اتصرف او ايش اسوي اكابر قدام امي واطمنها واقلها توكلي على الله ياما لخبطوا بنتايج وفحوصات وتحاليل لعله خير وتكون نتايج التحاليل والفحوصات غلط والغريب انها سألت اختي عن اعراض كثير اختي ماشاء الله ماتعاني من اي شي من الي ذكرته
ابغى اي احد مر بتجربة مشابهة لهذي طمنوني وهونوا علي وانا راح اقرى لامي كلامكم الله يجبر خواطركم و يهونها و ابغى دكتور او دكتوره بجدة اخصائي بهذي الحالات ويساعدنا ويكون متجاوب انا صراحه ما اقتنعت بالدكتوره الي رحنا عندها! لانه والله يابنات اول ماطلعت النتيجة ماعندها اي خبرة بالموضوع بحثت عنه بالنت و جلست تشرحلنا وهي اول ما خبرتنا احنا بحثنا اصلا وعندنا خلفيه وكل الي في قوقل هي حافظته وعادته قدامنا دليل انه ماعندها خبرة !
كثير قالوا غيرو الدكتوره ممكن هي الغلط منها او في لخبطه ويارب يكون كذا يارب و غير كذا عندها ارتفاع بهرمون الحليب وهي ماعالجت لها هرمون الحليب اعطتها علاج لمدة شهر طيب بعد ما رجعت لك ماسألتيها عن هرمون الحليب ولا اتطمنتي عليه تشوفيه نزل اتعدل؟ وهرمون الحليب كثير قالوا لي مايتعالج بشهر ! 🤦🏻♀️
هذي كلها اغلاط من الدكتوره؟
امانه بنات افيدوني الله يجبر خواطركم و يحفظكم واسفه لاني طولت بس ابغى احد يطمني و يهونها علينا وادعولها بالله عليكم
pretty flower @pretty_flower_1
عضوة جديدة
يلزم عليك تسجيل الدخول أولًا لكتابة تعليق.
ملاك وحيد💗
•
الله يشفيها ويعافيها وان شاءالله مافيها الا الخير ،،جربي دكتوره ثانيه وان شاءالله يارب يطلع الغلط من الدكتوره وترى بعض الدكاتره مايشخصون الحاله كويس اشك ان معاها تكيس بالمبايض لان اكبر عامل لانقطاع الدوره ،،الله يطمنكم عليها وان شاءالله مافيها الا العافيه والله يتمم فرحتها على خير ولاتنسين طمنينا عليها 💗💗
زائرة
•
اعرضوها علي طبيب اخر شكلها بالأسم بس دكتورة عن نفسي اول مابلغت كانت الدوره ماتجيني بالسته الشهور وهلا الحمدلله عندي اطفال واموري طيبه. عندي تكيسات مبيض
الله يشفيها ويعافيها …لا تثقين بكلام دكتوره وحده بس وتسوين نفسنا .. انا نفس الحركة الدورة جدا مخربطه رحت دكتوره وسوت لي تحاليل وفجاءه قالت هرمون الحليب واعطتني علبه صغير وقالت اكلي نص حبه يوم ويوم لا واكلتها شهر ورحت دكتوره ثانيه انهبلت قالت انتي تاكلين علاجات هرمون الحليب قلت ايه قالت وقفيه مرا نازل عندك وماعندك ارتفاع هرمون .. ونفس الشي اختي كانت تبي تكشف عشان تاخذ حبوب و تحمل بتوام قالت الدكتوره لها ماراح تحملين هالشهور يبيلك خطه علاجيه عندك تكيس وتجمع دموي راحت دكتوره ثانيه قالت انتي حامل .. نصيحة لاتسمعون كلام دكتوره وحده وياريت لو تروحون حكومي يكون عندهم خبره اكثر
كيف تنتظروا سنتين كامليين؟؟؟
المفروض ٣ شهور و تشوف دكتورة .
هذا سبب زيادة المشكلة لان الجسم تأقلم بدون دورة
المفروض ٣ شهور و تشوف دكتورة .
هذا سبب زيادة المشكلة لان الجسم تأقلم بدون دورة
الصفحة الأخيرة