أنا مثلك يا أختي ما عمري انخطبت وقد كتبت موضوع بتاريخ 19-01-1436 هـ
وعنوانه كيف أتزوج والأغلب نصحني اني أطلع للناس
واللي توصلت له ان الزواج مو معادلة رياضية
ولا فيه قاعدة عامه تمشين عليها عشان تتزوجين
ولا وصفة إذا اتبعتي خطواتها بنجاح تكللت مساعيك بالزواج
العلم عند الله والرازق هو الله وكل شيء بيد الله
هذا الموضوع لو حابة تطلعي عليه
https://www.hawaaworld.com/showthread.php?t=430096...

من ناحيه ايش السر مافي اسرار ولا شيئ كل شيئ قدر ونصيب بيد الله سبحانه وتعالى احنا في عايلتنا 4 شباب عزوبيه و2مطلقين اهلنا ماقدرو يزوجونهم بسبب انه البنات السنعات مايعرفو وين يحصلونهن كل اللي حولنا حاطين صوره مو ذاك الزود عن البنات هالجيل واللاسف السنعات في بيوتهن محد درا عنهن ربي يرزقهن ويسرلهن ولكن ياانسات عالم حواء

شوفي حبيبتي انا و اخواتي نفس الوضع :(
و كل انسان و مجتمعه مختلف
بالنسبه لي ..... انا الاحظ الامهات يخطبو لاولادهم البنات يكون لهم مصلحه مع اهلها يعني اهلها تجار او لهم منصب و مكانه اجتماعيه
هذا اهم شي بالنسبه للامهات في متجمعي

خلي عنك بلاسر بلاهم المزوج بالسما والله لو انك بجحر بالبر يطلعك ويزوجك مايمنع انك تطلعين وتخلي الناس تشوفك لاكن لاتحطينه اكبر همك بنسخ لك رد كتبتة مرة لوحدة طبقي اللي بقوله لك وحطي رجل على رجل واستني العريس يجي ونا الحمدلله الحين متكيه ومتاكدة انو بيجي هههههههه ان شاء الله يارب

شوفي حبيبتي الغاليه انتي بلاء وانا كمان بلاء وظروفي تقطع القلب لاكن تعلمت وهمومي كبرتني كم سنه لقدام ..بقولك حاجات وتسوينها بس الاهم الاهم الاهم حسن الظن واليقين بالله ..اولها صلاتك ثم صلاتك ثم صلاتك بوووقتها بتقولين لما تقيم الصلاة اقوم اصلي اقولك لا لما تسمعي الله أكبر اركضي توضي وصلي سارعي لرضا الله عندك شغله بأيدك تركيها خلي الصلافوووق فووووق فووووق كل شي طبعا بخشوع وتركيز وفهم للايات ومعانيها لان مالنا اجر في الصلاة الا ماعقل منها ...وثاني حاجه اي ذنب تركي لوجهه الله وتوسلي لله بهلعمل قولي يارب تركته لوجهك الكريم اسالك ان تزوجني تغتابي تكذبي تنمي تتابعي مسلسلات اغاني عباءة على الكتف والشيله صغيرة واضحع اكتافك لبس عاري اي اي ذنب فتشي بحياتك اترككككيه واستغفري عنه تذكري هل ظلمتي وحدة هل تشمتي باحد حتى لو كنتي مراهقه وقتها تووبي واستغفري وادعي لاي شخص جرحتيه او ظلمتيه عليك قضاء من رمضان سااارعي في صيامه عندك ديون سدديها اي ذنب سارعي للتخلص منه ...طيب نجي للي بعد سوي اشياء لله تطوع مثل النوافل سنن الصلوات صليها وادعي في السجود باسماء الله وصيام اثنين وخميس صومي يوم في سبيل الله وادعييييي طووووول مانتي صااايمه ولما يجي وقت الفطور ااادعي وابكي واللحي واذا موضفه اكفلي ايتام وتصدقي كثيررر صدقه بطبخه صدقه بأماطة اذى صدقه بأبتسامه اي تصدقي الباقيات الصالحات اكثرري منها صلاة الضحى رااحه غير طبيعيه صليها وادعي فيها امك وابوك بري فيهم اي طلب نفذيها بتقولين لي الحمدلله اسووةي كل اللي قلتيه بقولك طيب يقينك في الله كيف ؟؟ثقتك في الله كيف ؟؟حسن ظنك في الله كيف ؟؟تعرفين انو الله يعاملنا على ظننا فيه !!احيانا ندغي ونستغفر ونتصدق ونقول لييييه للحين ماستجاب وتلاقي بداخلنا خايفين من بكرة قلقانين نخاف تمر السنه وحنا لسى طيب اجل ليه ندعي دام دخلنا يقول العكس واحيانا ندعي ونقووول يالله شكلي بطول ولا من فين يجي الرجال مانطلع ماحد يعرفنا طيب فين حسن الظن في الله حبيبتي الغاليه اقول هالكلام لنفسي قبلك والله لانك اختي حبيبتي ابي لك الخير انا بنت مثلك اتمنى اتزوج ويكون عندي اطفال مو علشان الرجال نفسه علشان انا ابي اطفال طيب بقولك تعرفين ربي اضا اعطى ادهش وحدة تزوجت وعمرها 36 اتوقع وجابت 3 توام طيب بنت عمتي تزوجت قريب الثلاثينوجابت بنتين توأم طيب تدرين 5 من خواتي قامو الليل ودعو وصامو تطوع وتزوجو شوفي خطوات المشيقيح طبقيها وتابعي برنامج لعمرو خالد اسماء الله الحسنى واكثر اسم بكاني اسم الله الرحمن الرحيم حبييتي حطي بالك الله هو الله في زمن الانبياء زمن المعجزات الله هو الله حي لايموت الله اخرج يونس من بطن الحوت وماكان احد يعرف مكانه غيرة سبحانه يقدر يخرجك من بيت اهلك لبيت زوجك تصدقين وحدة كاتبه بنت عمها عمرها 40 وخطبها واحد عمره 39 طيب تصدقين وحدة تقول تزوجت واحد مايعرفووووووة ابددددد وبعد الزواج قالت له من دلك علينا قال لها حلمت بان قال لي روح بيت فلان حي فلان البنت اسمها كذا لانها باختصار كانت تدعي ابدي بجد واجتهاد وبيقين وحسن ظن واطلبي الله العوض طيب تصدقين واحد ربي رزقه 4 توام وقال ظل سنووواات ينتظر الذريه وربي عوضه عن خلفة ذيك السنين ادعي لي معك وطبقي اللي قلت لك عليه وسعي معرفتك برحمة الله وحسن الظن فيه واتصحك بمتابعه عمرو خالد عن حسن الظن باليوتيوب وتحدااااك اذا ماجيتي وبشرتينا بزواجك والله يوفقك يارب ويزوجك برجل صالح ويرزقك التوأم يارب ...ودعواتك لي بالزوج الصالح اي ولاتنسين الرقيه الشرعيه وسورة البقرة وقراة القران لو جزء يوميا والله يفرحكككك يارب