اي وحده تأخر موضوع زواجها تأكدي ان الحياة تبي تطور فيك مهارات
وتبيك تتعلمين بعض الاشياء عشان تكونين مستعدة لها قبل تخوضين هذي التجربة
احب البنات اللي يدخلون الزواج وهم ناضجين ممتلئين متشبعين من الحياه من الناحيه الماديه الفكريه الصحيه ومن كل النواحي
وخلاص تروح للزوج وهي ممتلئه
كذا تكون متوازنه
عكس البنات اللي تزوجو وهم صغار ماشبعو من حياتهم مانضجو فكرياً وماعندهم المهارات والمعلومات الكافيه اللي تخدمهم
تلاقونهم يتناقرون في اول السنوات الى ان تعلمهم الحياة كيف يتعاملون مع بعض
هذا الكلام اللي فوق سمعته من إيمان بنت سعود الملقبه بـ venusast حبيت اشاركه معاكم
بحكم اني دايماً اردد عليكم افهموا الحكمه من كل شي يحصل معكم لقيت كلامها مناسب اشاركه
وبنفس الوقت كنت اشوف عضوات هنا يلاحقون فكرة الزواج بطريقة مبالغ فيها ومتشفقين وربما يكون فيهم تعلق شديد
وخلاصة الكلام اللي ابي اقوله لكل بنت متعلقة بفكرة الزواج
اولاً : تعلمي الرضا والقبول بالقضاء والقدر خيره وشره ولا تتصارعين معاه وتعيشين حالة رفض لواقعك
ثانياً : تعلمي ان تأخر الزواج او اي أمر آخر بالحياة له حكمة وفيه درس ورساله في صالحك حاولي تفهمينها وتعملين بها
ثالثاً : تعلمي ما تعلقين قلبك بشخص او هدف وابدأي فكي هذا التعلق اللي عامل لك حاجز وعرقله يمنعك من الوصول لفهم الحكمه والدرس
الرد بعد الموضوع بيكون عن طريقة فك التعلق 👇⬇️
عواطف تركي . @aaoatf_trky_2
محررة ذهبية
يلزم عليك تسجيل الدخول أولًا لكتابة تعليق.
ياجمال هذا الكام بورك في قلمك واقتباسك لامسني جدا جدا وقرأت كل كلمه فيه ودخل قلبي قبل عقلي لاتحرمينا من هذه البوستات
العضوية الراقية
•
كيف افك التعلق
ياجمال هذا الكام بورك في قلمك واقتباسك لامسني جدا جدا وقرأت كل كلمه فيه ودخل قلبي قبل عقلي لاتحرمينا من هذه البوستاتياجمال هذا الكام بورك في قلمك واقتباسك لامسني جدا جدا وقرأت كل كلمه فيه ودخل قلبي قبل عقلي...
نورتي يا خيال الورد الله يسعد قلبك وماننحرم من ذوقك ولطفك 🌹
العضوية الراقية :
كيف افك التعلقكيف افك التعلق
اقرأي اول رد لي بعد الموضوع مباشرة فيه طريقة فك التعلق
الصفحة الأخيرة
طيب كيف افك التعلق؟
التعلق دايم يحدث معنا إذا كان ماعندنا خيارات بديلة.. إذا صرنا نشوف هذا الهدف هو آخر حبه بالكون..
وهو الشئ الوحيد بالحياة اللي يناسبنا..
أو هو الخيار المتاح لنا و مافيه غيره..
وهذي النظرة تدل على ان الشخص شحيح، يشوف الحياة بنظرة شحيحة و مو قادر يشبك مع قانون التوسع والخير اللي الله معطينا إياه..
فأول خطوة تسويها انك تسأل نفسك بصدق..
لو ماحصل لي هذا الهدف ايش الخطة الثانية ؟؟؟
لازم تجلس مع نفسك وترسم على الأقل 3 خطط لكل هدف تبي توصل له.. وكلما وسعت الخيارات وكتبت خطط اكثر كلما فتحت ابواب جديدة وخيارات افضل وشبكت مع قوانين الوفرة بهالكون.. لكن اقل شئ اكتب لك 3 خطط بديلة لو ماتحقق الأول انت بتنتقل للثاني وهكذا..
تأكد ان رغبتك الملحة في تحقيق هدف ما تبعدك عنه مسافات شاسعه.. لأن اي هدف نبي نوصل له لازم تكون مشاعرنا تجاهه تكون متوازنة..
كيف يعني متوازنة؟
يعني نوصل لدرجة نقول فيها عن الهدف:
" ان شاء الله يتحقق ولو ماتحقق عندي اكثر من هدف وخيار حياتي ماوقفت عليه"..
هنا انت فعلاً متوازن وماعندك تعلق..
وعشان تساعد نفسك توصل لهالمرحلة، لازم تفترض انه ماراح يتحقق، وتبدأ ترسم خطط جديدة مختلفه عنه..
وهالطريقه تساعد تبعد تركيزك المضاعف ومشاعرك الفائضة تجاهه..
لأن اي شئ نركز عليه بشكل مضاعف وكأنه اخر حبه بيطير و بنفقده..
وتأكد ان هالشئ هو الأفضل لك..
لأن ساعات تأخر الهدف يكون من صالحنا، ممكن يحتاج منا نخوض تجارب اخرى قبله تصقلنا وتنضجنا ونكون اكثر جاهزية لهذا الهدف..
او ممكن هذا الهدف مو مناسب لمرحلتنا الحالية وبناء عليها بنخسر اشياء مهمه في حياتنا ماحسبنا حسابها..
طيب توهتونا الحين معاكم..مرة تقولون ركزوا على الهدف ومره تقولون انسوه؟
دائماً لمن نكون متعلقين بهدف ما..
مانطيق احد يقول لنا انساه او حرره او انتقل لخيار ثاني
نتوتر، وننزعج ونتضايق..
وفجأة نتحول لأشخاص ايجابين، ونتكلم عن التفاؤل وعن حسن الظن وعن الإصرار.. حتى لو احنا مانطبق هالمعاني بحياتنا بس في هذا الهدف اللي متعلقين فيه سبحان الله نطبقها.. لا يخدعك الإيقو بهذي المعاني..
من مصلحة الإيقو انك تستمر تعيش في مشاعر منخفضة لأن هالشئ يغذيه..
فجالس يجمّل عندك الموضوع ويرغبك فيه ويسكر اذنك عن كل شخص يحاول يساعدك..
بالآخير احنا مو جالسين نهدم حياتك..
احنا نحاول نعلمك كيف تتوازن وتوصل لأهدافك بطريقة صحيحة..