عواطف تركي . :

عسى الله يحبك ويحبب خلقه فيك امين الله يجبر بخاطرك ويسعد قلبك تسلمين على كلامك الذوق اللطيف مثلك تشبيه ما استحقه ماشاء الله العوضي متحدث لبق وعنده مهارات ماشاء الله عليه وبخصوص ردك الثاني اكيد خذي راحتك وشاركينا بالفيديو اللي تحبين والعوضي غني عن التعريف اما بخصوص ردك اللي قبل بخصوص انك تتمنين مايفرقك عن زوجك الا الطلاق صدقيني انتي جالسه تفكرين بطريقه محدودة جداً وتنظرين للطلاق من زاويه ضيقه ومانتي قادره تشوفين الطلاق من زوايا مختلفه واسألي المجربات اللي كانو متعلقات بأزواجهم ويعشقونهم بجنون كيف انهم يتمنون ان الفراق كان بالموت عشان يرتاحون ولا يكون فراقهم بالطلاق ويتعذبون بالبعد فلا تتمنين لنفسك ولزوجك مثل هذي الافكار ولا تفتحين لواقعك احتمالات حزينه من الاساس ، فوضي امورك كلها لله اما اللي تحسين فيه من خوف بعد وفاة زوج اختك فهذا شعور صدمه مؤقت بإذن الله يزول لكن ساعدي نفسك تتخطين هذي الصدمه وطبقي طريقة فك التعلق

عسى الله يحبك ويحبب خلقه فيك امين الله يجبر بخاطرك ويسعد قلبك تسلمين على كلامك الذوق اللطيف...

من بعدهم لم :

والله الطلاق اهووون بكثيير من الفراق بالموت ومافي مقارنه أبداً الله يطول بعمره على طاعته بصحه وسعاده

والله الطلاق اهووون بكثيير من الفراق بالموت ومافي مقارنه أبداً الله يطول بعمره على طاعته بصحه...

من بعدهم لم :

عواطف لو واحد من اخوانك مصيره يعيش طووول عمره في امريكا ومايرجع لكم نهائيا أو بعيد الشر عليه تفارقونه فراق أبدي وش اهون عندك بالله ؟ .. الله يطول بعمر أخوانك / عشان ماتقولين جالسه تفاول على اخواني ⁦☺️⁩

عواطف لو واحد من اخوانك مصيره يعيش طووول عمره في امريكا ومايرجع لكم نهائيا أو بعيد الشر...

عواطف تركي . :

الاخ اذا سافر اقدر اكلمه ويكلمني وازوره ويزورني بأي وقت المسافات ماراح تنهي الارتباط الاخوي اللي بينا اما الزوج اذا تطلقت منه ماراح اقدر اكلمه ولا ازوره ولا يزورني نهائي وراح تنقطع العلاقه بينا الى الابد شفتي كيف نظرتك للامور محدودة ومحصوره في زاويه وحده ضيقه ؟ ليش حاطه في بالك هذا الخيار فقط ومصره عليه ومركزه فيه بينما الحياه فيها سعه وخيارات متنوعه اكثر سهوله وجمال من اللي مركزه فيه ؟ على فكرة كان عندي أخت وتوفت الله يرحمها وكان عندي شخص متعلقه فيه وفارقته يعني افهم المشاعر الصعبه للفقد واعرف مرارته وببساطه اقول ان الحياه لا تقاس بهذي الطريقه المحدودة اللي تفكرين فيها يا فراق يا موت وثقي تمام الثقه ان كل فراق له وجعه وله حكمته وأثره في النفس فلا تستهينين بسالفة الفراق سواء موت او قطع علاقه ومثل ماقلت اسألي اللي كانو متعلقات في ازواجهم وحصل بينهم طلاق كيف وضعهم النفسي والصحي من بعده ابداً الموضوع لا يقل صدمته ومرارته عن فاجعة الموت بل ربما يكون اكثر ألم لانه موجود بالحياه وماتقدرين توصلين له الخلاصه عالجي مشكلة التعلق عشان تتوازن مشاعرك وبتشوفين وش كثر كنتي مضيعه على نفسك فرص وحاجات جميله بالحياه وحتى نظرتك للزواج والحب راح تتغير للافضل وبتصيرين تشوفين زوايا اخرى غير اللي كنتي حاصره نفسك فيها الله يرحم من مات ويطول في عمر الاحياء ويحسن خواتيمنا اجمعين

الاخ اذا سافر اقدر اكلمه ويكلمني وازوره ويزورني بأي وقت المسافات ماراح تنهي الارتباط الاخوي اللي...