تأخر بالرد بعد النظره الشرعيه

السلام عليكم
انا بنت عمري 28 سنه مو ناقصني شي الحمدلله بشهادة الكثيير من الناس
مشكلتي اللي ارهقتني اني اكابر كثيييييير ، اتحمل كل شي بالدنيا الا نظرة الشفقه ..
دايماً اكابر مثلا يوم كنت صغيره مره خلص بسكويت وانا مااكلت ادعيت اني مااحب هالنوع اصلا وفعلاً ماعاد اكلته مره ثانيه من خوف انهم يعرفون انه كان بنفسي هذيك المره ، بعقلي الصغير احسب الناس تراقبني وماتنسى .
سالفة هالبسكويت تتكرر بكل المواقف اللي امر فيها ، حتى إنها عطلت لي موضوع زواجي ، انخطبت كثير من اول ماتخرجت انخطب مرتين في السنه تقريباً ، وكل مره ارفظ بتهور ولا اخذ الموضوع بجديه وتروي ، بالرغم من انه من ايام مراهقتي والزواج والأنجاب والأستقلاليه بأحلامي ،
سبب تكرار الرفظ >> اخاف اخذ الموضوع بجديه ومايتم وتنكسر نفسي عارفه اني مابتحمل عشان كذا اذا حسيت اني بديت احلم او احب الموضوع اختصره وارفظ فوراً ..
ولااحب اللي حواليني يعرفون اني رغبت بشي وماصار خصوصا الزواج احس الرغبه فيه شي محرج .. والدي متوفي واهلي يحسون اني اتدلل او متكبره ماهم عارفين ان قلبي يتقطع على كل سنه تعدي من عمري ،
بعد اخر خطبه حسيت اخواني تعمدو يشدون علي بموضوع الروحات والجيات يوم اطلب منهم شي او احتاجهم يعتقدون اني ماافكر بالزواج لانه مرتاحه ف حياتي .. قلت خلاص الخاطب الجاي بسكت واخلي اهلي يتصرفون وفعلا بعد سنه تقدم لي شخص فيه كل المواصفات اللي تمنيتها لكن برضو كنت سااااااااكته ولا احد يعرف ايش نظرتي للموضوع حتى .. حاولت امنع نفسي مااحلم ولا اتعمق لكن اخوي طول بالسؤال شهر تقريبا ، تعمقت بالأحلام الى درجة >> اخترت فستاني جبت بنت وسميتها وفرحت كثيييييير بس بيني وبين نفسي .
الرجال كان صامل ومستعجل ، واحس تضايقو لأنا طولنا بالرد ، بعد ماعطيناهم الموافقه بأسبوع جا وشافني ، لانه بمدينه ثانيه ، صار للموضوع 3 ايام ولا رد ..
احس بحزن كأني مطلقه ماكأنها نظره وبس فعلا تألمت وانكسرت نفسي ولا انام الا بمنوم ، تجيني نوبات بكاء ولاعاد اجلس مع الناس ، بنيت أحلام وتأملت قلت خلاص هذا فرج ربي ؛
وش الحكمه انه يجي انسان فيه كل المواصفات اللي اتمناها وبوقت انا بأمس الحاجه له وبعدين يصير فيه احتمال انه يرفظني ؟؟!