تأخر حملي والناس بدت تتكلـم .. علموني من وين أبدأ (( الله يرزق الي ترد علي ))

السلام عليكم

شخباركم بنات

صار لي متزوجة 8 شهور والناس بدوا يتكلمون ويقطون كلام وانا قاعده عشان ماحملت للحين :44:

والله ان صدري يضيق وأرجع لسريري أبكي لحد ما أنام ونفسيتي تعبت والحين آخر كورس لي بالجامعه احس مالي خلق أداوم كرهت كل شي أعوذ بالله :44:

بعد زواجي بشهرين جتني الدورة ورحت سويت تحاليل لأنها كانت نزيف

هرمون الغدة سليم والحليب كان 39.5

وأكلت حبوب لهرمون الحليب وعطتني منشطات وطلعت البويضات تمام بس ماحملت

وتركتها طفشت وأرجع لها مرة ثانية وحللت لي الحليب طلع 46 وخذيت الحبوب وكلوميد وطلع تبويضي ممتاز وبرضو ماحملت

وجربت شهر الاعشاب ورحتي فيني بويضة 20 بدون أي شي قالت سوي تحليل هرمون حليب و طلعت ما سويته طفشت منهم أكلو فلوسنا أكل

قلت دام تبويضي 20 ان شاء الله مافيني شي ..

زوجي للحين ماحلل وأنا أقرا عن مشاكل واجد تأخر الحمل ومدري من وين أبدأ ودي أروح لعيادة متخصصة تنفع لي أنا وياه نراجع فيها سوا


قلت له قبل فترة خلنا نستنى سنة ووافق بس ندمت يوم بدت الناس تتكلم وأبي أبدى من جديد :(

تكفون خواتي أنصحووني