السلام عليكم... هذي أول مشاركة لي...بما إني دايم أتابع المواضيع في منتدى عالم حواء قررت أسجل فيه واعرض مشكلتي....
.
موضوعي إني أفكر مرة بالحمل ومرة بتأخيره،، الحمدلله عندي طفل واحد وعمري ماهو صغير ٢٥ الحمدلله... أدرس في تخصص محتاج كثير... بديت الدراسة في الجامعة قريب(لاحظتوا من العمر) اللي في عمري خلصوا ماشاء الله بس الحمدلله راضية تمام الرضا... أفكر في تأجيل الحمل مرة إلى بعد الدراسة وقتها بكون يمكن عند ٣٠ إذا الله عطانا عمر... فجداً متأخر على ثاني طفل في هالعمر ، ومرة أفكر أقدم على الموضوع بس مع الجامعة أبد أبد ماينفع،، لا تقولون خليه عند أهلك لأني ساكنة بعيد عنهم... والجامعة في التخصصات الصعبة تحتاج مذاكرة أول بأول وماقدر اترك الطفل بعيد عني مع أهلي وهو رضيع.. أحس نفسي بين نارين😭
أي إسم @ay_asm_5
عضوة فعالة
يلزم عليك تسجيل الدخول أولًا لكتابة تعليق.
أرجوآن
•
الله يعينك صراحه كنت امر بتجربة مشابهه لك والحمد الله ع كل حال بالكاد خلصت. بس جالسة الان بدون وظيفه ما كأني تعبت ودرست ياخسارة الحمد لله ع كل حال والله يعينك ، ان قدرتي تجيبين شغالة تساعدك ع طفلك او اذا حملتي. دعواتك لي بتيسير حملي والوظيفة
أي إسم
•
أرجوآن حبيبي... للأسف لا شغالة ولا غيرها ... بس أنا وربي معاي... وزوجي مضغوووط ومافي مجال يوفر علي وقت.... لمن أفكر أحياناً أقول مافي حل غير التأجيل...بس العمر يركض وغيره طفلي مثل باقي الأطفال ودي له بأخ أو أخت... بس أحس نفسي عاجزة.. أتمنى حل يارب....
Rawan.n
•
الله يعينك .. الحل انك تحاولين تخلصين دراستك بشكل اسرع تاخذين ترم صيفي وكذا عشان ما تقصرين بحق نفسك ولا يأنبك ضميرك ع ولدك وانك تبين تجيبين له اخ او اخت ..
أي إسم
•
... تابع... يخطر في بالي أحياناً إني اتركه عند أهلي فترة بس أفكر بحاجة الطفل للرضاعة ولي وأرفض الفكرة( علماً إن في تجربتي السابقة الطفل رفض الرضاعة الطبيعية وأخذ بس صناعي وكنت متفرغة له وقتها وتعبت في محاولات الرضاعة الطبيعية بس من غير فايدة) ... خايفة أ أجل وأصلاً لو جبت طفل بيرفض الطبيعي واتحسف مستقبلاً.... ألف فكرة وفكرة في بالي ... متلخبطة... أحاول أقنع نفسي بحلول وأتراجع...
.
الله يفرج على كل وحدة تفرحني بحل ،بنصيحة أو تجربة تشجعني..
.
الله يفرج على كل وحدة تفرحني بحل ،بنصيحة أو تجربة تشجعني..
أي إسم
•
Rawan.n :
الله يعينك .. الحل انك تحاولين تخلصين دراستك بشكل اسرع تاخذين ترم صيفي وكذا عشان ما تقصرين بحق نفسك ولا يأنبك ضميرك ع ولدك وانك تبين تجيبين له اخ او اخت ..الله يعينك .. الحل انك تحاولين تخلصين دراستك بشكل اسرع تاخذين ترم صيفي وكذا عشان ما تقصرين بحق...
مافي مجال للصيفي أبد... مشكورة حبيبتي
الصفحة الأخيرة