تأقلمتي ولا ماقدرتي تعالي قولي لنا

مساكم الله بالخير
سالفتي ياطويلات العمر من منكم اعرست وتقبلت وضعها مع زوجها
طبعا لابد من الاختلافات بين وضعها مع اهلها ومع زوجها
زي مثلا بتكلم عن نفسي في اختلافات ايجابيه وسلبيه بين مقارنه بين اهلي وزوجي


مثل نظام أهلي من انا صغيره اهلي ناس اجتماعين وطلعات وسفر
يعني وانا صغيره ختمنا محلات الملاهي المطاعم اماكن التنزه
الطلعات ضرررروريه عند اهلي حتى لما كبرنا وتزوجنا مازال هالطبع في اهلي ابوي يزعل اذا جاء الويكند ماجهزو اخواني طلعه في مكان ما ونجتمع كلنا وطبخ او شوي ووناسه
ابوي من النوع الرحوووم مره من قبل لا اتزوج عمر ابوي مايروح عزيمه يخلينا كذا لا لازم يايقول لاخواني طلعو خواتكم
واذا ماحد فاضي يعطينا فلوس يقول اطلبو من المطعم
تخيلو حتى وانا متزوجه كنت عند اهلي الاسبوع اللي راح وجاب ابوي ذبيحه قال ابوي انا لاتسون لي عشاء بطلع قال خذو لكم من الذبيحه قلنا الحمد لله خليها بكره غداء
قال لا ليش تقعدون كذا بدون عشاء ويطلع الفلوس ويحلف نطلب عشاء من المطعم


على عكس نظام زوجي واهله ابد ابد ابد مايطلعون الا بالنااااادر لان هذا نظامهم وهم صغار مايطلعهم ابوهم
والعيال صارو زي ابوهم 😅
عشر سنوات زواج ماتأقلمت على طبعه وهو ما تأقلم على طبعي
لان الويكند لااااااااااااازم اطلع انا وعيالي رضى ولا مارضى
مالي دخل فيهم تشوفونه لما يجي الويكند يشل همنا لازم نطلع
واقوله سبحان الله والله لو تسوي لعيالك ابد مو بزينا وحنا صغار الله يجزي ابوي الجنه ختمنا مدن الالعاب كلها
واول يوم العيد لاززززم نتعشى بالمطعم وثاني العيد لازم مدينة العاب
نظامي عند اهلي احاول اطبقه على حياتي ولو انه ماهو عاجب زوجي بس ماعلي منه اهم شي سعادتي انا وعيالي 😁


وفي شي حلو عند زوجي واهله الاكل عاااااااااادي اللي يجي ياكلونه مايدققون ابد ابد ابد وصنف واحد يكفي لو تكررينه شهر قدام ماعندهم مشكله


عكس أهلي لالا يتشطرون بالاكل ولازم اصنااااااف واصناااف يكون بمقادير معينه ومطبوخ ومبهر ومفلفل
الله يعين امي ارحمها كللللل يوم اشكال واصناف


كلل وحده تقول الفروق بين اهلها وزوجها
وهل قدرتي تتأقلمين بالنسبه لي والله ماقدرت اتأقلم في بعض الامور
مع ان لي عشر سنوات متزوجه