السلام عليكم ورحمه الله وبركاته
:mad::mad:
طبعا بقول لكم قصه كذب وخداع عمري في حياتي ماشفته المهم
لما خرج اسمي بحافز اني غير مؤهله بسبب اني مازلت طالبه قلت موب مراجعه ولا شيء قال الوالد لأ لازم تراجعينهم علشان تتأكدين من كذبهم لأني اقوله انهم مايكذبون مقتنعه الأخت :27: ولكن ابي اعطاني درس عمري مانسيته المهم واشمر عن ساعدي واخوي ماعندوه جامعه المهم ونطق مشوار لجامعه نورة مخرج 9 عماده كليه الأداب انا متخرجه من التربيه ولكن حولوني على الأداب بما انه هناك كل شيء نقل
وأجيكم وادخل واسمي بسم الله واروح للأمن لو سمحتي د : فلانه الفلانيه <<< والله لأقول الأسم واللي يصير يصير المهم لما سألت بالتربيه قالوا روحي للمسؤوله ندى العليان واروح المهم قالوا لي مافيه أحد بهالأسم هذولا الأمن المهم قلت طيب من فيه بهالعائله قالت د هيفاء العليان العميده المهم وارقى فوق قلت للسكرتيرة انوه علشان اسقط اسمي من عندكم قالت روحي تحت لإدارة الأحصاء يعطونك رقم واروح لهم قالت موب عندنا روحي للامن واروح لهم والأمن قالوا روحي لأدارة الإتصالات قالت إدارة الإتصالت ماعندنا اساسا هالشي هو عند إدارة الإحصاء واروح لهم وتعطيني رقم حافز 9200 ألخ الرقم موجود بالورقه المهم قالت لي ترا حنا ماخذينها من النت قلت من البدايه ليه المشورة قلتي لي رقم حافز المهم قلت طيب شكرا واطلع وارقى فوق مرة ثانيه لسكرتيرة العميده حنان بخش المهم واقول لها اني بسقط اسمي من عندكم وكذا قالت اننا لما تواصلنا مع حافز قالوا لنا انوه عطو هالأرقام للبنات وخلوهم يتواصلون معنا قلت طيب المهم واخذ الرقم وقلت قبل ما أطلع خلني ادق عليهم وادق وترد علي بزر حسبي الله عليها قهرتني المهم قلت لها اني غير مؤهله والسبب كذا وكذا واني متخرجه من 8 شهور قالت لازم تنتظرين سنه قلت الشروط المذكورة عندكم انوه خريج الجامعه 8 شهور والدبلوم 6 شهور قالت انا كذا عندي قلت طيب ناس انا مقدمه لهم من نفس الدفعه معي وطلع لهم حافز وهم من نفس التاريخ للتخرج وكذا قالت انتي بتتعترضين على ليش ماطلع لك او ايش قلت انا اقولكم ليش تكذبون علي وتخلوني طالبه وانا موب طالبه ومعي مايثبت ذالك ماردت علي قلت لو سمحتي انتي ماخدمتيني عطيني اي أحد مسؤول اخر قالت انتظري شوي وتسكر بوجهي والمكالمه مسجله علي وعليها
المهم واجيكم وراوح للتربيه كليتي سابقا وادخل على د بسمه مديرة شؤون الطالبات المهم واقولها قالت لي روي لندى العليان قلت توني جايه مافيه أحد بهالأسم غير د هيفاء قالت لأ موجوده <<< مايبون يعلموني مكانها المهم قلت طيـب صوري لي إخلاء الطرف وعطيني صورة منه قالت لأ حبيتي هذا لنا انتي دليلك ملفك ووثيقتك وكذا قلت طيـب وبعدين قالت روحي لدكتورة صيته في عماده مخرج 9 مديرة الوثائق واعرضي عليها وهي تسقط اسمك واجيكم واطلع من عندهم :mad::mad: واصله حدي مانمت وكملوها علي ودعيت عليهم كلهم قسم من قلبي المهم واجيكم البيت لأبوي وتصير ثورة بالبيت قال انا بعلمس بس انهم يكذبون وتعبس راح على الفاضي قلت مير السالفه عناد انا ان شاء الله ماني بحاجتهم لكن الكذب ليييه واجيكم وادق على حافز مرة ثانيه وترد علي بزر ابرز من الأولى شوي واطلع لها مع التليفون المهم واحكي لها السالفه انوه كذا وكذا من طقطق لسلام عليكم قالت انس كنتي تستلمين مكافئة فلازم تنتظرين 12 شهر قلت طيـب انا شخصيا مقدمه لأخوات معي من نفس الدفعه وتاريخ التخرج ومؤهلين ليييييه قالت ما اعلم انا حسب وظيفتي كذا ظاهر عندي بالورقه قالت انتظري 4 شهور ماباقي لك شيء قلت لها ليه الكذب والتناقض برنامج لقاءات يرسل لي بناء على معلوماتي في حافز تم قبولي عندهم واكدي الكلام ومدري وش بعد وانت تجي تقولي غير مؤهل قلت لها سجلي لي اعتراض او عطيني رقمهم قالت لأ ما أقدر أسجل اعتراض وانتي مو على حق قلت لا ياشيخه انا اكذب يعني قالت طيب شرط العمر من 20 إلى 35 قلت مالك بالعمر انا عمري 22 سكتت قلت انتي خدمتيني الحين خدمه غير كافيه عطيني مسؤول اخر اكبر منك احد اتكلم معه لو سمحتي قالت ما أقدر أحولك على أي احد قلت حسبي الله ونعم الوكيل وشكرا وسكرت السماعه
واخذت درس اليوم انه كله كذب في كذب بس يا انا ياهم منزله اسمي منزله اسمي لو أرفعها لوزارة التعليم العالي واسوي ضدهم حساب بالفيس واوريهم شغلهم وش قله هالحياء لاتجي وحده تدافع لي عنهم وانهم وأنهم حسبي الله عليهم حسبي الله عليهم ومكالماتي مسجله
ولاحاطين لي بزر ماتعرف تتكلم اقولها ابي أحد مسؤول يرد علي اتفاهم معه ابي اسجل إعتراض تقول هم يدقون عليس قلت ايه طيب
ربي لاتحوجني لهم ولا تحوج أحد منا لهم اللهم امين يارب العالمين وحسبي الله ونعم الوكيل من قلبي طالعه حره النوم والمرمطه اللي شفتها اليوم عمري بحياتي ماشفت مثل هالتسيب والإهمال ومسوين برستيج وغيروة
هذا دليل الكذب لهم
يوم الأحد 30\1\1433
ورجاء لايحذف موضوعي يامشرفات رجاء لأنه الله شهيد علي ماكذبت بولاكلمه بولاكلمه
وحسبي الله عليهم من كبيرهم لصغيرهم للمرة الألف
أخر همي أنسان @akhr_hmy_ansan
محررة فضية
تأكدت 100% من كذب جامعه الاميرة نورة وحافز << حسبي الله عليهم كلهم من كبيرهم لصغيرهم
105
14K
يلزم عليك تسجيل الدخول أولًا لكتابة تعليق.
كاشته فالحوش
•
الله يغنينا عن محطم مب حافز
لاحول ولاقوة الا بالله الله يعوضك خير بس استمري في الاتصال بهم ولاتسكتين عليهم مايضيع حق وراه مطالب
مزون مكه
•
هذا مو حافز هذا حااااسد حاااقد عاااجز وصارت علينا اهااانه مو اعاانه .........
الحمدلله وكفى .............وان شاءالله ربي بيعوضك..........
الحمدلله وكفى .............وان شاءالله ربي بيعوضك..........
الصفحة الأخيرة