تألقي أكثر بهذه العطر الساحر

مشكورة يا أم هيثم :)
سنجرب خلطتك :)
بس في سؤال مرعي هذا وين نلقاه ؟ !!!!

السلام عليكم

جزاك الله خيرا اختي ام هيثم ماقصرتي على هذي الخلطة
شكلها رائع واحنا نثق في ذوقك...
وكمان سهلة التركب وشكلها رخيصة نسبيا...

جزاك الله خيرا مرة اخرى

لكن قبل ما يمر الوقت 180 دقيقة الله لا يهينك ياليت تعدلين الرسالة و وتشيلين كلمة العبايات لان شكلك كتبتيها بدون قصد ...
لا تزعلين مني بس ترى بعض الحريم ما يصدقون ... يروحون يعطرون عباياتهم... ويطلعون الشارع قدام الرجال وهذا طبعا ... تعرفين انه حرام...

ايما امراة اصابت طيبا فخرجت فوجد الرجال ريحها فهي زانية ...
الحديث ما ني متأكدة منه بالضبط بس هذا معناه...

جزاك الله خيرا
وجعله في ميزان حسناتك..
ياليت تعدلين الموضوع بسرعة علشان انا كمان اعدل هذا الرد..

والسلام عليكم

مرحبا بأخواتي..
فراشه أن شاء الله راح يعجبك وانا متأكده ..
وعطر مرعي ينباع من نفس مكان العطور ،، هو عطر مركز سائل لونه مصفر

أختي بهيجه ،،
جزاك الله الف خير على هذا التنبيه ،، أنا لم أكن موجوده اعذريني لعدم التحرير
لم اقصد العبايات للطلوع الشارع لا ،، وانما قصدت العبايات ربما نطلق عليها نحن ذلك وهي الجلابيات او النفانيف أو مادري اي اسم المهم
هي ملابس حق البيت
وأعتذر عن الكلمه ،،، وجزاك الله ألف خير اختي وكثر الله من امثالك

تحياتي للجميع

السلام عليكم

جزاك الله خير يا ام هيثم
انا كنت متوقعة انك ما تقصدين العبايات حقة الطلعة
والحمد لله صدق ظني
بس انشاء الله الاخوات ينتبهون
جزاك الله خير

عندي سؤال ام هيثم اذا ممكن

وين القى مسك الوزير ومرعي؟

واذا ممكن العطر الفرنسيBOMBAوشلون شكله اذا ما عليك كلافه