تأملت غيري فأستنتجت !!؟....

السلام عليكم ورحمة الله وبركاته

ياخواتي انا بحكي لكم عن شيء لاحظته بكثير ناس
اللي هو لازم نقتنع ان مافي احد حياته كامله وسعيده
واللي خلاني افتح هالموضوع وحده بالعائله من قرايبي ككلنا كنا نشوف انها محظوظه مع زوجها بس قبل امس كنت عندهم ولاحظت شيء ، ان زوجها مايصرف عالبيت وكله من فلوسها !! معقوله هذيك الانسانه اللي كل الحريم تحكي عن حظها عند زوجها طلعت عايشه كيذا؟ وكنت اسولف مع بنتها عن البيت تقول هذا امي اللي صابغته وهذا امي اللي جايبته ؟ طيب وين زوجها هاللي فاتحين العيون عليه؟ خاصه انه موظف

ومواقف كثير ،ووحده زوجها مايشوف غيرها بس اعاقة ولدها ماكملت فرحتها ، وثانيه عيالها بارين فيها بس زوجها سكّير ، ووحده اهل زوجها معتبرينها لهم الاخت وزوجها ينفر منها وحتى لو اكتملت كل الجوانب ! يطلع شيء مو مكتمل بشخصية الحرمه زي مثلاً لو ربي عطاها كل شيء تشوف ان ماعندها ولا شيء ، سبحان الله ربي يعطي ويأخذ مافي احد كامل ولا فيه احد سعيد بالدرجه الكامله كل شخص بهالدنيا فيه شيء ينغص عليه!

التفتو للأمور الايجابيه بحياتكم شوفو اللي غيركم فقده اسعدو انفسكم وتجاهلو كل شيء يضايقكم
تأكدو ان مافي احد على طول الزمن مبسوط ،، اقتنعو دائماً انكم احسن من غيركم وان فيه غيركم يتمنون شيء او صفه فيكم..