ايوا الي مايشتغلو في شركات .. هو فيه عواءل وفي افراد وشركات يعني تجمعي كم شخص من عيلتك وعلى حسب الي هم يقولو لكم كم العدد ويعملو لكم تامين وارخص . بس في عيلتنا ام زوجي وزوجي عندهم تامين واغلب الي حوليني عندهم تامين . انتي اسالي اذا سعوديه وايش افضل تامين للافراد بالنسبه للسعوديين . انا عشاني اجنبيه ففي كم لون واخترت الافضل وحتى الافضل مافيه سليمان فقيه . بس ترا يفرق السعر للمراءه اذا متزوجه او لا وحتى اذا في الحمل زي حالتي وارتفع السعر عشان الحمل والطفل والمسن والشخص العادي كل شي بسعر . زوجي يقول المبلغ الي حدفعه في التامين حدفعه للمستشفى بس الواحد يخاف من الاشياء المفاجاءه في الحمل وماحد يحسب له حساب ولا بنقدر ندفع كاش .. واكيد حبيبتي حخبرك بالي يصير معايا ان شاءالله تسلمي الله يسعدك يارب فرحتني دعواتك

انا معاي بوبا شركه...
وصادقه اختي ترا قايمه الشركات تتغير من مشفى لا اخر
يعني بوبا هالشهر مقبوله في مستشفى بعد شهر تحصلينها مو فيه
كنت ع التعاونيه بوبا افضل

بوبا تقريبا من افضل الشركات
بس الي اعرفه تأمينهم للشركات والاسعار يقول اخويا زي البورصه كل سنه سعر غير عن سعر السنه الثانيه و ع حسب عدد الاشخاص الي في الشركه يتوقف عليهم الاسعار
تأميني السنه الي فاتت ذهبي ب ٧٥٠٠ الف داخل حمل وولاده وجميع المستشفيات الكبيره ماعدا المشفى
والسنه دي الماسي ب ١٠٣٥٠ الف طبعا برضو داخل الحمل و الولاده وجميع المستشفيات حتى المشفى لان بس يقبلو تأمين بوبا الماسي
والموقع مااتوقع يفيدك في شي لازم تروحي لفرعهم واتوقع فرعهم في الخالديه خذي رقمهم من السنترال واتواصلي معاهم

ام لولوه حابه اسالك تامبنك عن طريق شركه ولا افراد ولا عواءل . هل انتي سعوديه ولا لا ومتى عامله التامين دي السنه ولا الي فاتت .. معليش على الاساله بس لان في فرق مررررره في الاسعار بيني وبينك . يمكن يفرق لاني اجنبيه وانا الان حامل والتامين عارف دا الشي ورفعو السعر ممكن يوصل ال11 او 12 وهذا وانا مختاره الافضل كوني اجنبيه ومايشملها المستفيات الكبيره .. يمكن لو عملته قبل لااحمل بيكون السعر ارخص من كداا . وكلامي كان من موظف التامين نفسه

انا ذاك اليوم شفت في مستوصف خاص معلقين اوراق كاتبين
لا نتعامل مع تامينات بوبا لعدم تسديد المستحقات الماليه !!

انتبهي اسئلي المستشفى اول وش التامينات الي يقبلونها