تأنيب الضمير بيقتلني/ قديم

يابنات انا متضايقه وتعبانه نفسياً وحاسه تأنيب الضمير بيقتلني الموضوع ومافيه ان وحده قريبه لي من انا صغيره وانا متأذيه منها والله العظيم يابنات مافيه شي ماقالته في وانا صابره ومتحمله سنين وسنين تزوجة وبعدت عنها ومازالت في سيرتي هاالانسانه كبيره يعني في الاربعينات من عمرها وبيني وبينها فرق في العمر كبير والله ماادري وش تبي مني كل لفظ وصخ اوصفتني فيه غير نظراتها باالاحتقار شي ثاني من وانا طفله وانا اشوفها تكرهني والسبب عجزت اعرفه حتي بناتها تكرههم في ولما نتلاقي في مجلس حريم تترك كل المجلس وتشتغل انتقادات في وذم ونظرات احتقار وتعييب في حتي عيالي الصغار ماسلمو منها انا ماكنت ارد عليها لسبب واحد انها اخت امي وهذا السبب الي خلاني متحملتها.. كلامها جارح جدا حتي تفاصيل جسمي توصفها بوصف مقزز والله استحي اني اقوله وتناديني بمسميات وسخه تنتقد جسمي وبيتي ولبسي ...ماادري يابنات وش فيها على يابنات الحمدلله انا انسانه نظيفه واهتم في نفسي وفي بيتي وشخصيتي حلوه وجسمي حلو الحمدلله والناس تحبني وتحترمني بس هاالانسانه عجزت افهمها وافهم تصرفاتها تكره تشوفني مبسوطه في حياتي دايم تحاول تهينني قدام الناس مره دخلت المجلس وسمعتها بأذني كيف تنتقدني باابشع الانتقاد ات يابنات الفاظ استحي اني اكتبها دعيت عليها وقلت الله يحرق قلبها مثل ماحرقت قلبي وحسبي الله ونعم الوكيل الاامس اسمع خبر وفات ولدها بحادث سياره ومن امس يابنات ماعرفت طعم النوم اخاف تكون دعوتي استجابت ... رحت عزيتها وشفت فيها الانكسار والظعف الي عمري بحياتي ماشفته فيها .. اه يابنات تعبانه خففو عني همي