تأنيب ضميري على أطفالي

السلام عليكم عالم حواء


انا مهمومه جداً بسبب اطفالي
انا منفصله من سنوات واعاني من رهاب اجتماعي
مااحب اطلع من البيت نادر جدا اطلع وانا معاي حضانه اطفالي واصلن ابوهم نادر يزورهم ولا عنده حس المسؤوليه انا موفره ل اطفالي كل احتياجاتهم صح مصروفهم يادوب يكفي بس عندهم اجهزه حديثه وغرفه وحمام خاصه ببيت اهلي ولا احد يضايقهم بالعكس يحبونهم لكن ضميري يأنبني عشان مااطلعهم نادر يطلعون امكن بالشهر مرا يطلعون الالعاب واعشيهم واشتري لهم ايسكريم اذا جاء مصروفهم لان الطلعه صايره تكلف واذا طلعتهم كثير يجي اخر الشهر مااقدر اصرف لكن اشتري لهم العاب صح رخيصه بس افرحهم دايم وعندهم تلفيزون خاص بغرفتهم واشغل لهم فيلم اطفال واسوي لهم فشار ودايم اشتري ليهم من البقاله انا انسانه جدا هاديه مااحب الازعاج وغرفتنا انا وعيالي ٢٤ ساعه القران شغال والحمدلله درست وتخرجت بعد الانفصال والان ادرس دورات عشان اتوظف وظيفه زينه رغم اني اعاني اكتئاب ورهاب واخذ ادويه واتعالج واضغط ع نفسي ادرس عشانهم والله لان اهلي رافضين ايي وظيفه ضميري يأنبني لدرجه ماانام والله احس اني اظلمهم وتعرفون هالزمن محد يبغا زيارات القرايب كلن مشغول بنفسه وابوهم حاولت معه لكن جدا اناني حتى اذا نقص المصروف وطلبو زياده مايعطيهم رغم انه جدا غني تعبت مرا معه بس يسافر مو فاضي لهم حتى اغراض المدرسه شريتها لهم فرحتهم من بدري عيالي صغار بالابتدائي كنت ايام الشتاء دايم اوديهم حديقه عند بيتنا واشتري لهم من البقاله بس الحين الجو مرا مايساعدني حتى والله ماافكر اتزوج عشانهم اهم شي عندي عيالي رغم اني مادخلت ال ٣٠ لسه وابوي متوفي نفسيتي تعبت وبعض الاحيان اقول الاوضاع اصلن كورونا وين اطلعهم بالعكس محافظه عليهم 💔 ضميري مرررررا يأنبني مع اني ماطلبت الطلاق وكنت اتحمل خيانه واشياء اكبر من عمري 😔