تأهرت الدورة ٥ أيام

السلام عليكم ورحمة الله وبركاته
حياكم الله حبيبات عالم عواء

متزوجة لي فوق سنة
وربي ما كتب لي حمل بدون موانع
ودايم دورتي منتظمة حتى قبل اتزوج
وإن تغيرت بشيء بسيط تجي ابكر بيوم إلى ٣ أيام كذا تقريبا
عددها من ٣ إلى ٤ أيام

وبشهر شوال تأخرت علي يوم وكانت معي أعراض حمل بس مو كلها بس كنت تعبانة حول ٤ أيام لين جتني
يوم جتني صارت ثقيلة من أول يوم (وهي بالعادة ما تنزل ثقيلة إلا ثاني يوم) لأن أول يوم اتعب
وجت يومين وبعدها خفت
وقبل تجيني كان يجيني موية خفيفة مائية مش ملونة
وكان هذا شيء غريب ما يجيني قبل الدورة بالعادة

والحين بشهر ذي القعدة تأخرت علي حوالي ٥ أيام
وجاني موية بأيام الدورة (وهي ما نزلت) مثل بشوال وذبحتني الموية تشككني بالدورة وبعض الأحيان معها ألم خفيف مرة

وشكيت بالحمل لأن كان معي أعراض خفيفة بالغثيان وألم خفيف بالصدر
وكان معي يوم واحد طعم معدني بفمي وكنت مستغربة
وبحثت لقيت الطعم المعدني أحيانا يكون حمل
لأن أسناني كلها أنا متأكدة مغيره كل الحشوات والتلبيسات بدون حديد
ومن الأشياء الي شككتني بالحمل إني اشم الأشياء ريحة كريهة تكرمون
وفيه أشياء مهب عادتي أحبها إذا قربت الدورة
طحت بالشكولاتات وأنا ما عمري طحت بها وما أشبع منها
وجاني وقت بس أبي آكل أي شيء مرة بشراهة لدرجة إني آكل غداء لكن بي شهوة أكل بقوة
ما ودي يوقف فمي عن الأكل
وهذا شيء ما عمره حصل معي

لكن نزلت معي الدورة بآلامها المعتادة وثقيلة (مثل شوال، وأنا بالعادة ما تنزل ثقيلة أول يوم)
وما زال معي شهوة الأكل وخاصة الشوكولاتات والحلويات
ونفسيتي مرة دمار ودي بس اهاوش
وخاصة زوجي ودي بس اهاوشه
لكني اهرب منه علشان ما اتمشكل معه

واليوم شكيت زود بالحمل لأنه فيه ناس قالوا لي يمكن حامل بس ينزل معك دم عادي

افيدوني مرة محتارة وخاصة ودي اروح للمستشفى بس دكتورتي مسافرة 💔
وما أدري وش اسوي
وزوجي ما أبغى اقول له إني شاكه علشان ما يعلق قلبه بعدين يتعب نفسيا

طويل موضوعي بس والله آسفة بكرية ولا أعرف
وأمي من زمان عن الحمل وسواليفه