تأهيل الطفل للروضة او المدرسه

شوفي اختي نونونت انه كنت دايما اقول حق ولدي قصص عن الاطفال الي يحبون المدرسة واحكيله عن الاطفال الي بيقابلهم وبيحبونه وبيلعبون معاه ...واول يوم بالمدرسة شريت له هدية وغلفتها وعطيتها معلمته وقلت لها اول مايدخل عطية الهدية وجذي اول مادخل فرح انه عطوه هديه بس لما كنت بمشي صاح شوي بس اول ماطلعت بدقيقتين سكت وقعد يلعب مع الاولاد ولما رجع حكالي عن الهدية والاطفال الي معاه والمعلمه شنو لعبت معاهم يعني لاتشيلين هم وايد:26:

اما بنتي ادخلت الروضه السنه اللي طافت مع ان هي دايما تقولي ماما ابي اروح اسكول . وكنت نفس الماسه السوداء اقص لها عن البنات الشاطرين اللي يحبون المدرسه وتعلقت عالروضه ...
الزبده اختصر لج ...وديتها اول يوم وتمت اتصيح ..ليش؟؟قلتي لي ليييش؟؟ لان اللي معاها الاطفال كلهم ايصيحون لا وبعد ايتسدحون عالارض من الصياح المهم قعدت معاها وكانت اتقولي لاتروحين بس مدرستها قالت لي لازم اتروحين عشان اتعود ورحت او سويت عمري رحت لانها كانت ميته من الصياح ..رحت اطل عليها لقيتها اسكتت..

تمت يمكن اسبوع وهي اتصيح وتسكت والحين اهي ميته عالمدرسه ومدرستها والفرند اللي معاها..ماتدري انهم بيتغيرون.

نسيت اقولكم حبيت اسالكم متى الدوام عندكم؟؟؟
حب فضول ..:26: