تائهه في شيكاغو

:a_smil08:السلام عليكم ورحمته الله وبركاته
كيف حالكم صبايا انا عضوه جديده ومرافقه لزوجي في شيكاغو الكبيرة احنا جاين على حسابنا انا ام لطفلين البنوته عمرها 3 سنوات وولدي عمر 5 شهور جيت وكل أمل انو العرب والمسلمين يكونو يد وحده في الغربه جيت قبل عيد الاضحى ب3 اسابيع تقريبا ومااعرف ولا احد وملتقى السعودين في شيكاغو الي في الفيس بوك اعلن انو في حفله العيد في مطعم قلت حلو اروح منها بنتي تنبسط تحس بالعيد واتعرف على ناس رحت ودخلت اسلم جلست على طاوله فيها بنات اول ماجلست طالعو في بعض وقامو انصدمت :icon33:حسيت اني خلاص بجد كنت راح امشي بس بنتي مره كانت مبسوطه اتحملت وجلست لوحدي اتعرفت على حده طيوبه بس حسيتها مشغوله شويه ماشاء الله هي وزوجها بيدرسو هي الي طلعت بيها الباقين اتصدمت فيهم ليه كدا احنا اخوات ومسلمين وكل مااشوف محجبه افرح تقوم تشرد اوتسوي حالها مو شايفتني حزنت مره ...
سامحوني غمتكم بس مره مضايقه وشفت كيف تفضفضو لبعض وماشاء الله تهونو على بعض الغربه
الله يوفقك الجميع ويرجعنا لاهلنا سالمين .:40: