Time Over ينج اختفيتي فجاة

هلا علايه..سمحيلي حبيبتي..

سرت اشتغل شوي..احلل راتبي ورديت..

لو عيناوية بطرشلج عصيدة من عصيدة امس بس في الويك اند..انت ما تدرين شو سالفة هالعصيدة..

انا مشتهتنها من فترة..واظني من بداية حملي ما كنت اعرف طبعا،،على نهاية رمضان،،يوم اطلع من الدوام اقول بسير اسوي لي عصيدة خدامتي ما تعرف يوم اوصل البيت ما اروم اسير ارقد وتمت في خاطري من ذيج الايام..وسرت لامي قبل العيد بكم يوم وقلت لها سويلي قالت بسويلج في العيد ولا سوت لي حليلي..وطبعا انا هالاسبوع عرفت اني حامل اللهم لك الحمد،،وامي من اشوفها قالت يا بنتي سيري تعالجي وسيري عند فلانه واخاف عليج،، وتسويلي الله يحفظها محاضرات لدرجة انها تصيحني مرات..المهم هالاسبوع كنت عندها يوم الخميس..وبدت في محاضرتها وقالت لو ما فيج شي جان حملتي..انا ريلي كان عنده تشوهات في الحيوانات المنوية ويوم حد يسالني اقول لهم سرنا فحصنا وما فينا شي..والحمدلله خذ فيتامينات لمدة شهرين وشوي وصار الحمل..المهم ارد لسالفة امي شوي وبتحلف ان فيني شي،،قلت خلاص امي انا حامل،،انا كان ودي ابشرها بس قلت يوم بدخل الثالث ببشرها،،الله يتمم لي على خير هالحمل..المهم قلت لها ثاني يوم ابا عصيدة قالت فالج طيب الحين بسويها لج،،شوفي قبل ما اخبرها بساعة اني حامل،،كانت تقول انتي المفروض تسويلي..بس بعدين كل شي تغير..الله يفرحها بقدوم ولدي مشافى معافى ويفرحها وهو صغير وكبير..

هذه قصة العصييييييييييييييدة ولي رجعة

الله يثبت حملج الغالية..انتي في اي شهر الحين..

حبيبتي وانا قبل سالتج انتي قطاع خاص ولا حكومي،، لو قطاع خاص على حسب المدير اذا بيعطيج ولا لا،،لان اكيد ما بيعطيج راتب..وهم هذه وناستهم..بس ما اعرف اذا يعطونج لمدة طويلة يمكن شهرين بس مب طول فترة الحمل..ليش ما تاخذين سنوية اذا وايد تعبانة..انا انصحج اذا الدكتورة قالت ما فيج شي ومافي خطر على البيبي اتداومين..وبعدين يوم تربين تاخذين اجازة..

بالنسبة للحكومي،،اللي اعرفه اذا في تقرير طبي والدكتورة موصية فيه بتقليص عدد ساعات دوامج،،فينعرض على لجنة وتاخذين لايت ديوتي..يعني دوامج لو تسع ساعات يمكن يصير 6 ولا سبع..على حسب التوصية..

انزين بس انتي الحين شهيتيني عصيده

بنات هههههههههههههههههههههههههه ههههههههههههههههههههه حرمت المدير اتصلت وانا موصيه رباعتي لو دقت خلوني انا ارمسها ههههههههههههههههههههههههههههههه

وكلمتها بس شو اخبارج وشو مسويه وبس عسب اتمصلح ويهاااااااااا<<<<<<<<<حليلها عليا سوت انجاز كبير جنه مكلمه خطيبها هههههههههه لاول مرة هههههههه

عليا..الله يشافيج من التكيس ان شاء الله مع الحمل بيروح ان شاء الله..

الماسة..الله يكتبلج الحمل قريب..وتتشافين باذن الواحد الاحد

انا شهر 5 اخر موعد كان عندي وي الدكتور وقالت عندج تكيس بسيط..بس ما رضيت اخذ الجلوكافاج..ولا رجعت سويت صورة من ذيج الايام..والحمدلله الحين حملت..بس خوفوني وقلت ان شاء الله يوم اسير اشوف النبض على الاسبوع الياي اخلي الدكتورة تشوف لي سالفة التكيس..وانا ما اخذ اي ادوية له..وما كان فيني قبل الزواج ولا بعد الزواج وفجاة قالت لي دكتورة في توام في تكيس بسيط..يا رب اتمم لي حملي على خير..ويكون التكيس راح ولا يضرني في شي..

علايه..انا بديت اخذ فوليك اسيد من خبرتني الدكتورة اني حامل..الله يهديني قبل كانو يعطوني ولا اكله..:(