زائرة :

امبي ليش كل هالاحباط بس يمكن عادي هالشي بسبب الخوف وحالة النفسية الزفته بهالوقت عسب جي ريلج اشوي خايف وانا ما الومه بس انتي قوليله احنا لازم نسعى والي الله كاتبه لازم بيصير واحسن شي انه اتحطين فباله ان كل العمليات فها نجاح وفيها فشل يعني دايما قوليله هالشي والله اهو المستعان بس اهو مو مرتاح لدكتورة وله شو السالفة بظبط؟؟؟؟؟؟؟

امبي ليش كل هالاحباط بس يمكن عادي هالشي بسبب الخوف وحالة النفسية الزفته بهالوقت عسب جي ريلج...

الماسة زوجها :

مب جي يا alia اتعرفين الرياييل كيف اتيهم حالات الاحباط يوم تنزل الدورة معنه عمره ماقال شيء وعادي يضحك يوم اتيني بس هالمرة كان وايد متحمس لأن اتعرفين هو كان إجازة وقبل كان صعب ايكون في جماع منتظم مابينا وصدق اغلب الاوقات ماكان ايصير في ايام التبويض سبحان الله وهالمرة صارة تقريبا وهو اتحمس دايما ايقولي نحن مايصير حمل لنا لأن مافي جماع منتظم وهو يحمد ربه وبالعكس ايقول هذه إرادة رب العالمين بس هالمرة احس غير عن دايما والشيء الثاني تم يسألني يعني كيف خطة العلاج هالمرة قتله نفس قبل باخذ منشطات وعقب تلقيح صناعي سكت بس احسبه مب متحمس بالمرة والشيء الثاني اقول هالمرة بنتوكل على الله وبناخذ عسل انا وانته وقالي ماعندي مشكلة وحتى قال باخذ فيتامينات لين وقت العملية بس ايقول بس ماادري كلامه ايبين انه محبط وبالقو بعد انا ماالومه هو هاليومين اشوي متضايق من دوامه ومشاكل وايد في الدوام الله ايعينه على دوام الشفتات ومشاكل كثيره اتعرفين الشرطة بعد بس والله قلبي عورني على عمرني عقب ماكنت متحمسة وجفته هو جي ياني إحباط وكان دوامه ليل ويالسة ابروحي قلت الشيطان مابيتغلب علي إن شاء الله إن شاء الله كله خير لي ولازم اقوي حالي مب الشيطان اللي ايوسوسلي الله المستعان وانا دايما اقوله في كل شيء في نجاح وفي فشل بس الإنسان ايسوي اللي يقدر عليه والتوفيق من الله سبحانه يعني بعد رب العالمين مب رايدلنا نحمل لاااااااااااااازم نرضى يعني مب على كيفنا عرفتي :icon33: في صيحة :09:

مب جي يا alia اتعرفين الرياييل كيف اتيهم حالات الاحباط يوم تنزل الدورة معنه عمره ماقال شيء وعادي...

زائرة :

لا تصيحين يا قلبي والله ناي حاسه فيج والموقف الي الحين انتي فيه يصير هالشي بس خلي املج بالله وشكله ريلج كان حاط امل كبير هالشهر وانصدم لين الحين مصدوم والله يعينه وما عليه ان شاء الله الشهر ياي تحملين وتفرحينه وهالشي اكيد مب بايدنا والله بس ما انقول غير الله يسهل على جميع ان شاء الله تدرين هالحاله صارتلي انا والله اني حاسة فيج واكيد اتحسين انج تبغين اتصيحين بس ليش ما اتعرفين وتبغين الحل والله يوم بتكونين روحج وفيج صياح صيحي قد ما تقدرين هههههههههه والله صدق بترتاحين بعدها والله عن تجربه

لا تصيحين يا قلبي والله ناي حاسه فيج والموقف الي الحين انتي فيه يصير هالشي بس خلي املج بالله...

الماسة زوجها :

ههههههههههههه ضحكتيني وانا مافي ضحكة هههه لا ماعليج صحت البارحة بس اشوي وطلعت مافي جعبتي الحمد الله وحتى رقدت على الساعة 10 دياية هههه صدقج هو يمكن بعده مصدوم وحاط في باله الحمل لأن الدكتورة قالت ايصير حمل طبيعي في حالتكم عادي المرة السابقة والتحاليل اثبتت وهو في تحسن وانا بعد وانا كنت آخذ جليوكوفاج واتعرفين الرياييل يتحرون من اول مرة بيصير بس انا عادي دايما احط احتمالين عرفتي عسب ماانصدم والبارحة كنت آخذ الجليوكوفاج ايقولي بعد بتاخذين الدوا ليش تاخذين ماايعرف اني لازم استمر معني قبل قايله هو بعد اشوي متضايق لأني آخذ ادوية ايقولي بس ادوية خايف ايقول ماادري خايف عليج من الادوية هالكثر هو عسب جي بعد يتضايق بس اقوله شو انسوي الله كاتبلنا جي ولازم نرضى والحمد الله بس اتعرفين اليوم الصبح ارتحت اشوي كنت راقدة بس بطني وايد ايعورني مال الدورة وهو يا من الدوام على الساعة 5:30 واقولج انا سرت الحمام اشوي ورديت وهو توا حط راسة ويا عندي ايقولي شو فيج قتله لا آلام الدورة وتعبانة اشوي قالي لاتخافين انا معاج كله من هالدوام الارف قتله الحمد الله ايقولي إذا ماتقدرين لاتسيرين قتله لا ماعلي بسير وحسيت انه حن على اشوي وارتاحت نفسيتي اشوي الحمد الله :)

ههههههههههههه ضحكتيني وانا مافي ضحكة هههه لا ماعليج صحت البارحة بس اشوي وطلعت مافي جعبتي الحمد...

زائرة :

يحليله والله ريلج والله يخلي لج ويفركم بالحمل عن جريب والله ريلج يستاهل كل خير الله يحفظه تدرين الريايل يحسون بالذنب لو شافونا انعاني واهم صعبه عليهم يوم يكون فيهم العيب تدرين لانهم ريايل بس احنا والله عادي نتحمل لو العيب منا بس اهم والله صعبه واذكر بعد ريلي وقت العمليات الي كنت اسويها شكله بالمرة يكون والله انه شكله يتغير وكان يقولي دوم نتريى اشوي بعده وقت بس انا كنت اصر واقوله لا انا بسوي العملية حتى بعد السحب يوم كنت فالبنج والله يوم طلعوني اشوفه ياي ركض وخايف وايد والسيستر اتقوله تعال ذبحتني متى بطلعونها وخلصت وله بعدها فعرفت انه كان وايد يحاتي وقت ما كنت فالعمليات وانتي ريلج بعد سمع كلام الدكتورة وحطاه فباله انه تقدرين تحملين والحين مصدوم بس اكيد اهو يعرف انه كله من الله بس بعد وان شاء الله هالمرة تحملين بالتلقيح

يحليله والله ريلج والله يخلي لج ويفركم بالحمل عن جريب والله ريلج يستاهل كل خير الله يحفظه تدرين...