تااااابع لموضوع بنات ياويلي من ابووووي بيرجع ... إلخ <<< هذا الموضوع وش سوا لي ابوي

ههههههههههههه يا شيخه ربي يسعد قلبك

قريت مواضيعك الإثنين وضحكتيني وانا طفشاانه


ذكرتيني بنفسي ,, بس الحمدلله ماتوصل للضرب بس توصل للتهزيء اللي يعجبك


ياليتك أختي وربي لأدج انا وإياك دجه مابعدها دجه لإني بجد أحب المقالب مرتين مثلت على أهلي إنه مغمى علي وااااو أكشششن هههههه غير اللعب عليهم من أرقام غريبه وأحب أحطهم بمواقف محرجه ههههههه


قولي لي وش هي شقاوتك ذي ؟!

أحسك تغلبتي علي

وطمنيني على أذونك ههههههههه

حبيبتي أكبري ، حسب مافهمت انك رايحة ثالث متوسط يعني منتب صغيرة وحرمة وتقدرين تفرغين طاقاتك في حاجات كويسة ..

أبوك غلط واكبر غلط انه يمد عليك ايده حتى لو انتي ام 6 سنوات فكيف وانتي بثالث متوسط؟

ليش تجبرينه يعاملك بهالطريقة ؟ لأنك ما تبين تتصرفين كانسانة ناضجة والدليل انك ماعندك مشكلة ان ابوك يضربك او يسيء معاملتك من الأساس..

فكري بطريقة كبار يا بنيتي لأنه من الواضح انك مبسوطة بأن الكل يعاملك على أنك صغيرة، هذا قد يتحول إلى مشكلة كبيرة فيما بعد ، وكلها كم سنة وبتلقين نفسك (حرمة) لكن الناس حوالينك ومنهم أبوك ما زالوا ينظرون لك على أنك طفلة..وحليها عاد ..

في نظري يا بنتي انه الوحدة تقدر تبني شخصيتها واحترامها داخل بيت اهلها من سن مبكرة، حتى من أيام الابتدائي، عن طريق أنها تفرغ طاقاتها في حاجة كويسة، عن طريق أنها تتعلم فن الحوار والكلام مع أهلها.. عن طريق تطبيق فن الإتيكيت داخل وخارج المنزل،،

بهالطريقة تزرعين احترامك غصب عن الكل، ومن باب أولى راح يمتنعون الكل عن أنهم يسيئون لك ويضربونك..

من هاللحظة قولي لنفسك : انا مو بزرة، أنا وحدة كبيرة...

وتصرفي كإنسانة كبيرة ، خوذي مهامك في بيت أهلك، ادخلي المطبخ، كلمي أمك وأبوك باحترام، تعاملي مع صديقاتك باحترام، خواتك صلحي معاهم علاقات طيبة ، اخوانك لا تقولين لهم إلا سم وأبشر..

وبتتفاجئين شلون أهلك بينقلبون ويصيرون ينظرون لك على أنك أنتي الفاهمة والكبيرة والعاقلة..

طبعا هالشيء ما يصير في يوم ولا يومين ، ويبغالك تدريب وقراءة في كتب تطوير الشخصية ..

واذا على الطاقة الزايدة عندك ياختي مارسي الرياضة أو اشغلي نفسك بهواية نافعة واكتشفي مواهبك...مو تروحين تخربين في البيت او تتحرشين باخواتك زي الأطفال علشان ينقال عنك شقية ...

يمكن كلامي ما يعجبك يا حبيبتي لكن صدقيني..الناس ما تتمالح ولا تتحمل البنت أو الولد اللي يتصرف بطريقة أصغر من عمره..وأنتي في هالسن بحاجة لاحترام وتقدير مو بحاجة لضرب وتقبيص ومعاملة أطفال..

ههههههههههه احسن بس الله يهديك بطلي ترى الاهل مايتحملون ترى ممكن مره ابوك يعصب ويصير له شي لاقدر الله وساعته تفقدينه وراح تندمين ترى الناس الكبا رماتحمل شوفي انا صغيره ولما عيالي يطفشوني اضربهم بس اكون مضايقه من شي ثاني وماني متحمله نفسي بس والله لما اضربهم احس قلبي يدق واحس الضغط يرتفع علي مع اني مافي ضغط بس الواحد لما يعصب يشد عرق عنده في القلب بس اش اسوي يطفشون الواحد

صرااااحة مدري وش تحسيييين به !!!!

ههههههههه

الحمدلله انه ماضربك ..
اسلوبك يجنن يااعسسل ..