مرااااحب بكل اللي شرفت موضوعي .... طبعا أنا قصصي مع الشغالات غريبه جدا وسبق وحطيت موضوع
بمعاناتي معهن... وهذا رابط الموضوع...
http://forum.hawaaworld.com/showthread.php?t=2296876
وأبي أكتب لكم تكمله لهذه القصص وأبي بنفس الوقت مشورتكم علي ...
جتني شغاله في شهر 6 الماضي وكانت بارده شوي لكن أنا مايهمني شغله كثر مايهمني تعامله مع الصغار لأني
معلمه وأترك عيالي عنده ... المهم لاحظته مع ولدي الصغير عمره سنه هذاك الوقت ماتنتبه له أبد وتهمله
وكم مره ألقى معه أشياء خطره مثل علاق الملابس ومفك والشاحن حاطه بفمه وهي جالسه تناظره مايهمه
وأنا أنبهه ولا فيه فايده ومره بغى يطيح مع الدرج وهي ولا حست به ... وبنتي عمره 3 سنين كم مره تضربه
وتجي بنتي تعلمني وأجي لمه أتكلم معه بهدوء وتنكر أنه ضاربته ....
المهم خفت على عيالي منه وتنازلنا عنه لناس ماعندهم أطفال...
وبعده صرت آخذ الأجار وقدمنا على وحده ثانيه أندونيسيه بعد للأسف..
ومن ذاك الوقت جتني شغاله قبل شهر ونص وحسيته حبوبه مع الصغار وفرحت وأرتحت بس أستغربت نقطه
ولدي الصغير مايحبه أبد وإذا جت تاخذه مايدري وين يهج عنه ... وهذي أول مره تصير له هالحاله مع الشغالات ...
ومره قالت لي مدام زياد مشكله مافي حبي أنا ترا أنا مافي يضرب زياد هو يصيح ماأدري ليه ...
أستغربت كلامه وزنيت على زوجي يجيب كاميرا وجاب وحده وللأسف ركبه وصارت متشتغل ويحاول له كم يوم
يطلب وحده وإلى الحين ماوصلت الكاميرا..
الأربعاء اللي راح يوم جيت من الدوام قالت مدام أنا ماأبي شغل هنا أبي بيت ثاني قلت ليش وش مشكله قالت
زياد مشكله بس يصيح أنا راس يعور ... أبغى بيت مافيه بيبي ... قلت أنتي ليش مافيه كلام مكتب من أول
أنتي ماتبغي بيبي سكتت ...
المهم أعلنا عنه للتنازل ..وقلت له إذا تبغين بيت ماما مافيه بيبي قالت لا شوفي بيت ثاني قلت ليش أنتي فيه
مشكله ثانيه مو علشان بيبي قالت لا مافيه شي!!!!
وبعده كلمنا المكتب اللي جابه وكلمه وقاله أنتي شغل عند كفيل هذا أو تروحي
لأندونيسيا قالت لا ماأبغى أندونيسيا قال خلاص لازم شغل كويس 2 سنه وقالت خلاص...
ولاحظت ولدي صار يبيه ولا يصيح معه ماأدري وش السالفه...وهذا من يوم قلت له خلاص ندور بيت ثاني ...
المهم الليله هذي قالت مدام أنا أبغى جوال .. قلت ليش إذا تبغين تكلمين أنا مافيه مشكله كلمي من جوالي
وعلى حسابي .. قالت لا مدام أبغى كلم زوج وبنتي كثير .. قلت خلاص أجيب شريحه من فلوسك وأخليها عندي
وإذا تبغي كلام أعطيك جوال والشريحه .. قالت لا مدام زوجي يبغى يكلم كل يوم قلت خليه يكلم على جوالي
مافيه مشكله كشرت وتغير لون وجهه وسكتت.... وهي من جت ماكلمت زوجه إلا مره وحده وأنا اللي قلت له
وكلمته دقيقتين بس ... يعني جا الحب لزوجه هالحين!!!!!!
وش رايكم بنات بهالشغاله هل تتوقعون أن عنده نيات باطله ولا وش السالفه ؟؟ أو حنا فينا شي أو في بيتنا؟؟
والله أني تعبانه مرررره ومحتاسه وشايله هم الأيام الجايه مابقى شي على المدرسه الله يسهلها...
أزعجتكم بقرقي بس والله ماتتخيلون نفسيتي وش لون صايره هذي خامس شغاله تجيني وماتجلس والله تعبت.
أبي مشورتكم بهذي الشغاله وش رايكم بسالفته ...
بنت القصيم3 @bnt_alksym3
محررة
يلزم عليك تسجيل الدخول أولًا لكتابة تعليق.
عشقي الرررياض
•
والله مدري وش اقول بس الله يسخر لك ويسخر لي يارب
لاتدققين كثير بتتعبين
اهم شي انها ماشيه كويسه معك
واذا على الجوال كل الشغالااااات نفس الطلب
اهم شي انها ماشيه كويسه معك
واذا على الجوال كل الشغالااااات نفس الطلب
ام فجرs
•
يا اختي بلاها الوظيفه اللي
راح تخسرك عيالك كل شي
يتعوض الا الضنا والله لو انا
منك ما سبت عيالي مع
شغاله انا جامعيه بس والله
من تزوجت حطيت اكس
على الوظيفه
يا قلبك والله لا تسحر ولدك
اذا انتي في المدينه هاتيهم
عندي مع عيالي
راح تخسرك عيالك كل شي
يتعوض الا الضنا والله لو انا
منك ما سبت عيالي مع
شغاله انا جامعيه بس والله
من تزوجت حطيت اكس
على الوظيفه
يا قلبك والله لا تسحر ولدك
اذا انتي في المدينه هاتيهم
عندي مع عيالي
الصفحة الأخيرة