بعد ما سويت هذى الشنطه ... زاد عندي قطع من قماش بنطلون الجنز
فكرة اني اسوي حافظة نقود وطلعت فكرتها وايد سهله
ونتابع طريقتها بالصور
جبت قطعه مستطيله بهذا الشكل وحطيت عليها قطعتين من شبك البلاستك ولصقتهم على القماش... والغرض منه هو تقوية القطعه ... واذا ماتوفر عندج هذا الشبك ممكن تحطين كرتونه متينه ... تقصينها بشكل مستطيلين متساويين ويكونون بعرض القماش ونحطهم بهذا الشكل على القماش
نطوي الاطراف الجانبيه على قطع الشبك او الكرتونه بهذا الشكل .... والصوره اهني كنت مخليه زوائد كبيره بس قصيتها بعدين عشان يصير شكلها مرتب ... وتلصقين الاطراف بالشمع الحراري
واهني واهني بينت الشرح اكثر على الصوره
نطوي القماش على القطعتين من الشبك بعد ما ثبتنا الاطراف الجانبيه بالشمع بهذا الشكل
وصار عندي قطعه مستطيله داخلها قطع الكرتون او الشبك
ونتابع
:27:
نحضر الان قطعه اخرى بحجم القطعه رقم واحد
ونطوي اطرافها بشكل مرتب مثل ما بينت بالصوره
بعد ما رتبنا القطعه رقم 2 وطوينا كل اطرافها بشكل مرتب نلصقها على القطعه رقم 1 بهذا الشكل
ونضع عليها الكبسات
وراح يصير عندي مثل الجيب ... وهنا نضع نقودنا :17:
بالاخر نطويها كلها على بعض ونغلقها بالكبسات .... ونزينها بالخرز ... وصار شكلها روعه مع الحقيبه... وصار عندنا حافظة نقود سهله وبسيطه ومن صنع ايدينا
وان شاء الله قدرت اشرحها واوضحها لكم
وان شاء الله تعجبكم فكرتها
:27: