السلام عليكم

مبروووك الملف الجديد ويااارب نكمل كل ملفاتنا للتاسع ونبشر بعض بالولاده ...

وحشتوني وحاسه اني من زود غيبتي ماعاد اعرفكم زين :) بس احبكم ...

:( ودي اطلع اتعشى برا بس المصيبه اذا جلست 5 دقايق يجيني حرقااان احس اني ببكي منه ... ادعوا لي تعبببت منه يارب ساعدني..

بنات ممكن أنظم معكم؟؟؟
تراي مستعجله بقى لي إسبوعين وأدخل الرابع:icon28:
وإلا...:( ترى :icon33:

السلام

أنا جيت ............نورت البيت (بصراحة هذي العبارة قديمة و قاعد يطلع مني غبار الحين :42: )

الموههههههههههههههههههههههههههيم:

شلونكم شخباركم؟؟؟ صج البيت فاضي و أنا جيت أملااااااااااااااااااااه عليكم

هدوووولة: شلونج و شلون الدم معاكي؟؟ بشري ان شاء الله أوكي؟؟ حبيبتي أنا قلت لك انا جاني نفس الحالة في بنتي الاولى و مع الراحة التامة الحمدالله الامور صارت تمام ... بعدين ولله الحمد ولدت طبيعي و لما نزلت المشيمة ورتني الدكتورة الجزء المنفصل وكان لونه أسود و غير عن باقي المشيمة الحمرا
يعني يا حبيبتي انفصال المشيمة مو شرط قيصري معاه

السؤال الثاني :): لبست الفستان اللي فصلته و طلع وايد مرتب علي و لله الحمد شكلي حامل حلوة و شيك (مداح نفسه يبيله رفسه)

و هدوله بالنسبة للفستان اللي حاطته حلو بس ما يصلح للحوامل...يبيلج شي يريح بطنج مو يضغطها

Moooooon: سؤالج مهم جدا..خصوصا و أنا الحين أمر بمشكله مع زوجي و السبب لسانه الطويل اللي ما يقدر يضفه...
قلت له ان ان شاء الله جاينا ولد و الحمدالله و ما صدق خبر طيران على أمه و قال لها...:( طبعا و اهي قالت لبناتها و بناتها لعمتهم و لمرت عمهم و انتشر الخبر ..اهيء اهيء
والله انا اللي غلطانه

حولاء و مزيونه : ابشري السليق المضبوط طريقته كالآتي :

2 دجاجه (كل واحده مقطع اربع)
3 اكواب رز مصري
سمنه أو زبدة
حليب حسب الحاجه (تقريبا استخدمت 3 -31/2 كوب)
هيل و دارسين أعواد
4 حبات مستكة
ملح

الطريقه
انقعي الرز في الماء واتركيه حوالي ساعه
اسلقي الدجاج عادي وحطي معه في السلق بصله مقطعه والدارسين وهيل و جزرة مقطعة كبار و ورق غار وملح
لما يستوي الدجاج شيليه من الشوربه وصفيها و جيكي على الملوحة
وبعدين صفي الرز و حطي الرز في الشوربه المغليه واتركيه على النار (يعني كمية الشوربه بتكون كبيره)
خليه يتشرب وحركي كل شوي عشان ما يلزق و ليما يطري و ينضج و راح يكون لين
الحين جيبي الحليب و سخنيه على النار و ضيفي له شوي سمنه أو زبدة
تضيفينه على الرز اللين و تحركين بالتدريج و انتي تضيفين
حركيه و راح تنهرس حبات الرز و شوفي الملوحة
غطيه و خليه على نار هادئة يمكن نص ساعة

الدجاج:
حضري خلطة تحمير الدجاج
ملعقتين زبده +ملعقتين معجون طماطم+بهارات مشكله +ملح وكركم +شوية خل +2 فص ثوم مطحون
و دهني الدجاج فيها و حمريهم
أنا أحب أحمرهم بالفرن

التقديم:
سيحي سمنه أو زبدة على النار و حطي المستكة ليما تسيح
صبي السليق بالصحن و صبي عليه السمنه و صفي الدجاج عليه

الحين الدقوس اللي يمه:
بالخلاط خلطي طماط+بقدونس + فلفل أخضر علوب (علوب=بالكويتي حار) +شوي كمون +عصير ليمون +شوي زيت(ملعقتين)

و بس و بالعافية على قلبج و قوليلي ان سويتيه :)

باقي البنات سلامي لكم سلام حار بحرارة دقوس السليق :)

يوو ياسارونه شهيتيني للسليق والله جالسه من المغرب افكر في العشا ولاجا على بالي والحين لما ضاع الوقت اشتهيته يم يم ان شاء الله بكره اسويه بطريقتك شكلها رهيبه الله يعطيكي العافيه...

هلا الاميره الله يبلغك شهور حملك كلها وانتي باتم الصحه ...

يا حبيبتي وحشتني سواليفه و الله حولاء و مزيونه ذكرتني انها طالبه الطريقة صار لها جم يوم و أنا راح عن بالي ....
و الا كان كتبتها بدري شوي...:)

يالله ماعليه الحين سوي خفايف للعشا و بكره للغدا سويه

و بالعافية عليج و على أهلج وياج