السلام عليكم

شلونكم حبايبي..!؟
انا الحمدلله على كل حال كل هالتعب والألم طلع ولا شئ بدون نتيجه :(
ماولدت..الحمدلله اكيد خيره..
بس يابنات ماتتصورون الأتصالات على امي واختي الكل يسأل ماولدت ماولدت..!؟
واحس هالشئ لعب بنفسيتي حتى خالاتي وعماتي الكل يسأل عني سواء بشكل مباشر او عن طريق امي
وماادري ليش احس هالشئ سبب لي قلق حتى وانا معاي طلق احس الخوف ضيع كل شئ
يعني حسيت من كثرة الأتصالات اني لاااااااااااازم اولد اليوم:( فتوترت بزيااااااااااااده

والله انا مو فاهمه شئ على هلألم قلت هذي الولاده بس اللي مجنني انه بدى يخف ويروح
ظهري مازال يعورزني بس المغص اختفى....امس شربت مرميه وزعتر<<كل يوم اجرب شئ:hahaha:

وبقولكم شئ عن كف مريم وبسأل اللي جربوها انا نقعتها من يومين لما قلت لكم وثاني يوم رحت لبيت اهلي واليوم جيت ابشربها لقيت ريحتها :09: مثل ريحة السمك
على فكره انا حطيتها وصبيت عليها ماي مغلي وتركتها برى مو بالثلاجه وريحتها مو مقبوووووووووله بالمره انتوا صارلكم نفس الشئ..!؟
قلت يمكن اجرب اشربها فريش يعني اصب عليها ماي حار وعلطول اشربها بس ماقدرت انسى ريحتها

المهم هذي كل اخباري مغص مدخوني يجي شوي ويروح والم ظهري زااااااااايد بس اللي مزعلني ان بطني ارتفع فوق والله بأول التاسع كان ناااااااااااازل والحين ارتفع

وانتوا شخباركم..انا خلاص بنسى الولاده وباعتبر نفسي بالسابع :) مليت وانا اتحراها ومافي شئ
بنساها يمكن تجي

ياااااااارب يااااكريم تهون وتسهل ولادتي وولادة خواتي بهالتجمع وكل الحوامل يارب
قولوا آميـــــــــــــن

وأنا اسفه جد يابنات على اني سويت لكم قلق ولأسف مافي جديد

السلام عليكم ..
صباح الخير ..
أخباركم كلكم ؟؟

بنات بالنسبة للالتهاب .. و شي أعراضه ؟؟ و هل لازم يكون في أعراض عشان يكون عندك التهاب ..و لا بس يبين من التحليل ..
و متى الدكتورة تقرر إنها تسوي مزرعة ..؟؟

بنات بالنسبة للتجهيزات .. هل تجهزون ملابس طلعة لكم بعد النفاس .. و كم تاخذون مقاسها يعني أكبر بكم من مقاسكم قبل الحمل ..
لأني خايفة أتوهق إذا مقاسي مارجع على طول يبيلي أجهز لي كم لبس ..


و بنات بعد أضيفوا لتجهيزاتكم كتاب للأطفال (( موسوعة العناية بالطفل للدكتور سبوك ))
كتااااااااااااااااااااااااااااب رائع جداً .. و يتكلم عن كل شي و يبعد عنك الخوف في واااجد أمور ..

و موفقين ،،،

أم البدر ..
هلا و غلا ... صباح الخير ..
يعني أنت رحت المستشفى و قالوا لك مو طلق ؟؟؟
و إذا عالناس اسمعي من هنا و طلعي من هنا ..

أنا بالثامن و يقولون لي ما ولدت !!!

و بعدين في ناس يقعد معهم الطلق 3 أيام .. عادي لا تشيلين هم .. الله يسهلها ..

و حدة من صديقاتي جتها الآم و هي في التاسع بس تقول هي مو قوية كثيير .. و قعدت يوم كامل و هي كذا .. بعدين راحت من بكرة و كان عندها موعد قالت لها الدكتورة مفتوح 6 سم ..
طبعاً هي تخرعت قالت لها الدكتورة ما تطلعين .. و فتحت لها الكيس و جاها الطلق ..

و الله يهونها عليك أختي ..

صباح الخير....

هلا ام البدر<<< من طول الغيبات جاب الغنايم...خخخخخخخخخخخخ

حبيبتي لاتخافين واذا الكل يسأل عنج ترا من غلاتج عندهم... وخوفهم عليج........
بس لاجربين اشياء وايد... كثري من التمر والعسل..

شوفي هالخلطه اتحمي الطلق... وانا جربتها بأختي ما خذتها من كتاب اعشاب...
حطي بابونج.. في كوب تقريبا ملعقه كبيره.. ومعاها حبة سودا وحطي عليهم ماء مغلي وخليهم اشوي وحليه بالعسل وشربيه.......
اختي جربته لان كان عندها الطلق 5 ايام وهو على حاله والرحم فاتح اشوي واخر شي عطيتها هالكوب والحمد لله اتسهلت بس كثري عسل....وتمر.......

حمودي الاسمر... اذا على وزن البيبي الحال من بعضه... شوفي انا وحده قالت لي عن الحلبه قالت نقعي الحلبه بماي وشربيه تكبر البيبي... بس خفت قلت لين ما اوصل التاسع وبعدين بجربها...

صائمة<<< اذا ما خانتني الذاكره..
اللي تسأل عن السكر..... حبوبه راقبي حركة البيبي ولازم اتكثرين اشياء فيها سكريات... وشربي عصاير... لان الطبيعي المنخفض من نسبة السكر يكون 74.... وانت يوضل عندج لل70.... راجعي العياده ييمكن يعطونج نظام غذائي...

<< الجو عندنا عالمي..خخخخخ مطر ورعد الصوت رهييييييييب...... مو ابوظبي لا استوت اسويسرا هههههه

قاعده ادعي الله يسهل لنا.... ويسر ولاداتنا... ويرزقنا بالذريه الصالحه والمعافاه.....

مخلصة لزوجها .. اهلا" بيكى معانا و التقل دة شىء طبيعى عندنا كلنا و ربنا يهون علينا.

ام البدر ...اخيرا" ظهرت احنا افتكرناكى ولدتى...ربنا معاكى و احسن حاجة انك تنسى الولادة انا بردة عملت كدة و على فكرة انا بطنى ارتفعت بردة بعد ما كانت نزلت مش عارفة لية؟؟؟؟؟؟؟