مدام نملة ..

أهلين ياقلبي وليه تبكين ؟؟

ترى أنا زيك لو اطلب من زوجي شئ ويقولي بعدين على طووووووول أبكي ..

صايرة حساااااااسة بزيادة ..

ولو جلست لحالي وبديت أفكر تلقين الدموع أربع أربع على إيش ما أدري ؟؟

الظاهر إنه هالشئ طبيعي .. بسبب الحمل <<< على كيفها طبيعي خخخخخخخخ


وأنصحك بصراحة إنك تبدين تجهزين من الآن ..

أنا بديت اشتري أشياء خفيفية ..

كم قطعة للنونو ..

رحت أمس لسيتي بلازا وشريت أشياء كذا بسرعة ..

وكل ماقدرت إني أروح للسوق راح اشتري ..

يعني على شوي شوي ..

والله يعينا يارب ..

مساء الخير بنات كيفكم كلكم إن شاء الله بخير
أنا لي فتره مادخلت النت
مبروك الملف الجديد>>>>>>>>> جايه متأخره
لسى ما أتصفحت إللي فاتني بس حبيت أسلم عليكم

أم البدر
كيفك كيف الحمل معاكِ ماتصدقي داخله مخصوص علشانك
حبيت أطمن عليكِ قلت يمكن ولدتي الله يسهل عليكِ ويقومك بالسلامه وجميع الحوامل يارب

قمر الربيع
تسلمين ياقلبي والله ماتقصرين يالغاليه
انا الحمدلله لي الحين اوضاعي مستقره البيبي ماله نيه ينزل:)
جاني طلق من يوم الثلاثا الفجر لين الأربعا وقلت خلااااااااص اكيد ولاده لدرجه ان خلاص رحت اجهز اغراض المستشفى واوراقنا الرسميه اللي يطلبونها المستشفى وقلت لزوجي ينزل اغراضنا بالسياره
يعني اللي كنت اقول بكره بالكثير بيكون البيبي بحضني ان شاءالله:)
كان معاي الم قوي بالظهر ومغص خفيف يروح ويرجع بس اني ماشربت شئ عاد كنت بشرب كف مريم بس كل شوي اقول بدري بعد شوي اشرب<<خفت يوم جا الجد:22:
وبس اختفى يوم الاربعا الساعه 11 بالليل ولي الحين مافي شئ ادعوا لي

اليوم نظفت الشقه تنظيف شامل ماخليت شئ بمكانه كل شئ رتبته ومسح لين انهد حيلي قلت يمكن اولد
لأني كنت احاتي اني اولد والشقه مو مترتبه وزي الفل :hahaha: <<فاضيه
والحين مرتاااااااااااااااااااااحه اذا جت الولاده حياها الله:)

انتي شخبارك؟ مافي بوادر؟

ام البدر لاتتعبين نفسك وايد انا عندى كسل افاااااااااااااا مااتحرك من مكانى وكله ابى اولد عشان انزل وزنى حاسة انى صرت فيييييييل وخصوصا لما البس الدافه انقهر انا كان وزنى 69 والحين 81 بمووووووت قهر وطول النهار اكل يارب احد يعطينى عين عشان ابطل اكل صرت مفجوعة وريلى يطالعنى واقوله فى شىء انت بتحسدنى ههههههههههه
يقول انا مخليكى عشان انتى حامل لاكن بعد الولادة بيصير خير
مااخليكى انا خايفة امتن ثانى واشوف الارادة ضعفت

خواتي ان ا حامل بالشهر السابع وهذا مو اول حمل من دخلت السابع وانا اعاني من الم فظيع احس اني بولد.....من معاناتي الله لا يبليكم؟؟؟؟؟:
البيبي يشتدد في بطني واحس بثقل الحركه.وابي اروح لحمام الله يعزكم للتبول..
احس بضغط والم على منطقة الشرج
بين فتره وفتره تجيني الام شبيه بالم الدوره الشهريه اسفل البطن والظهر
الم بين الفخذين لدرجه لما ارفع رجلي اشوي يعورني واوقات احس بالم بالمبيض الايمن.
ما ني عارفه شو السبب رحت لدكتوره وعملت لي سونار قالت كل شئ طبيعي واوكي...المشيمه فوق وراس الجنين متجه للحوض بس مو داخل والماء كويس والحمدلله...
وفي اليوم التالي عملت تخطيط للالم ونبض الجنين والحمدلله ما في شئ ...
وبعد ثلاث ايام رجع الام ورحت المستشفي وعملولي كمان تخطيط لمدة 30 دقيقه قالت ما في الم ولا تقلصات,,الحمدلله .....ودكتورة المنتدي قالت ممكن غازات ..نا ما عندي امساك يعني صحيح اشعر بعض الاحيان فيني براز ولما اروح الحمام ما في شئ...

بس ما ادري ليش احس اني بولد لا سمح الله قبل ولادتي...مع ان موعدي 6مايو بحساب الدكتوره و17 مايو بحساب السونار

من مرت بنفس حالتي وعدت الامور على خير....ارجوكم افيدوني حتي النوم ما اقدر انامه من التفكير
الحمل الاول طبيعي ولدت بنفس الموعد المحدد لما كملت 9 شهور

لا تهملوا رسالتي بليز