ملووووووكه .. يالدبيه كيفك وكيف البيبي ؟؟ انا عارفه انك مانسيتيني لاني غاثتك وقاعده على قلبك :22:
كيفك ويا الحمل والثقل وشغل البيت معاه ؟؟ انا ماصار لي خلق للبيت ماااشتغل شوي الا خلاص العصعص عندي وعرق فيني خلاص بيطق افضل اصيح هذا غير الغثيان والحموضه صرت ماني طايقه شي ليل نهار تعبانه الله يعين بس .. متى موعدك عشان السونار ؟؟

فوفووو الحمدلله انها طمنتك .. وخلاص الحين تبدأين تحاسبين على نفسك وعلى البيبي تدلعي ولا تشمين العافيه وترجعين ركض على المطبخ لاااع خذيها اجازه وامتناع بسبب قدوم ولي او ولية العهد :22:

هوني كيفك خيتووو اشوف حساب الحمل ملخبطك خخخخخ انتي حبيبتي احسبي انتي كل 10 بالشهر تدخلين شهر جديد لان تاريخ 10 يكون خلص 30 يوم .. وحبيبتي على رفعة رجولك على قد ماتقدري مو شرط وقت معين ..

وتين هلا وغلا خيتووو كيفك ؟؟ اي والله صادقه على ظهري قالوا يختنق وعلى جنبي ماادري وش يقولوا وانا صراحه اغلب شي على ظهري هو اريح حاجه عندي لاني بطني صارت توجعني من تحت ولما انام على جنبي ماصار مريح مثل اول .. كل مالي ونومتي تخف ..


ليال الشرق هلا وغلا خيتووو تكملين باقي شهورك بالسلامه ان شاء الله .. كيف البيبي وياكي وعرفتي ولد والا بنيه ؟؟ :26:


تفاح خيتووو جزاكي الله خير وانا ماني من الشرقيه من جده لكن عندنا سماء ماادري نفس اللي عندكم والا لااع بس على العموم راح اخذ ان شاء الله واحتمال من نعومي اخذها ..


خاله يارا الله يعينك والله .. ياسلام الشغاله تتشرط ماتبي بيبي بس كويس شلتيها والله لا تعمل حاجه بالبيبي بعدين لا قدر الله عشان ماتبيه لان بعضهم كلاب حسبي الله يعملوا اشياء ماتنعمل بعيالنا وياما طلعوا فضايح بالنت من ضرب الشغالات وسوء المعامله .. والله يعينك لين ماتلقين وحده كويسه انتي ليه ماتجيبي من هنا مؤقتا عشان ترتاحي اقلها وقت الدوام ؟؟ ماراح تقدرين بيت ودوام بوقت واحد ؟؟

حلى هلا خيتووو .. كيفك واخبارك ؟؟ انا مااتكلم مثلكم لاني ماادري كيف وضعيه البيبي ببطني اساسا :22:
اخر مره عملت سونار كنت بالاسبوع العشرين وعليها الى الان ماشفت شي ولا حشوف الا لما ارجع .. واول مره ادري انه لازم ينزل اجل عشان كذا احس الخبط تحت :22: الله يعيننا ونكمل باقي الشهور على خير يارب..


هلابك اغــلاهم .. كيفك خيتووو ؟؟ الله يسهل علينا وعليك ان شاء الله .. والمشكله انتي جيتي بديوانية لا نشاط بعد اليوم لاننا من دخلنا السابع ماغير ثقلانين وتعبانين وماغير كل وحده تجي بسعالها وشكواها خخخخخخخخخ :22: الله يسهلها يارب..

عرووووووقه يالدبيه كيفك ؟؟ وش اخبارك ويا الحمل ؟؟ يادبه لا ترهقين نفسك مع البيت حاسه فيك والله وشغل البيت مثل هم على القلب خصوصا من يوم دخلت السابع استثقلته والله ماادري وش بسوي بالثامن ..

لموووسه حبيبتي كيفك ؟؟ واخبارك ويا الحمل ؟؟ يابختك ببيت اهلك الحين .. ياشيخه مو حلوه الروحه هناك الا ان الوحده مرتاحه ماتقوم تسوي شي :30: ودي والله اروح ابات عند اهلي كم يوم اريح نفسي من التعب .. نطلع بالنهار وارجع على حيلي بالبيت اشتغل .. الله يعين بس

غلا الدنيا
ابي اعرف انا الوحيده الي معاها تقلصات ولا فيه غيري ..؟؟ ظهري وبطني يعوورني وفيني تقلصات خفيفه مادري عادي ولا لا :(

هوني حبيبتي انا ماادري شلون تقلصات يعني عشان كذا انا ساكته .. بس اذا الم انا عندي الم بظهري وبطني مثل اول يوم دوره يروح ويجي علي ولما سألت قالت عادي لان الرحم خلاص الحين بالشهور الاخيره بيكبر كثير .. واحيانا يجيني مثل النغز وانا نايمه اكون نايمه على جنبي ومااقدر انقلب من الالم اللي يجيني .. بس انتي المفروض ترتاحين يعني غير السدحه خفي من شغل البيت او لا توقفين فتره طويله بحيث انك خلاص تبدأي تحسين بالتعب ووجع الظهر يعني اتجنبي هذا كله وحتى الجلسه حاولي تجلسين مرتاحه ماتضغطين على بطنك .. بس انا مره قرأت شي غريب يقولون احيانا قبل التاسع يجي للام الم مثل التقلصات واحيانا يقرب من بعض هذا يكون البيبي عنده فهيقه << ماادري تعرفين معنى الكلمه والا لا :22:
بس عموما ان زاد عليك الالم راجعي طبيبتك افضل خيتووو :26:

هوني
بعض الحوامل يبداء يجيها الطلق من السابع وطبيعي ولا ياثر عليها ويمكن ماتحس فيه مثل الم الدوره خفيف ويمر بسرعه ومتباعد
وبعضهم اذا كان شديد ومنتضم لازم تروحي يعملولك تخطيط للرحم لا يجي ولاده مبكره
وابعدي عن الاشياء الي تهيج الرحم من تعب وشرب الاشياء الساخنه ولا تقلقي ريحي تر النفسيه لها دور
ياله انا الحين رايحه المستشفى عسى بس ما يخوفوني مثل المره الي راحت الجنين كبير الجنين صغير الجنين نازل الجنين طالع الله يعينا عليهم الاولين ماكانوا يعرفون شي وربي يهونها عليهم

السلام عليكم
كيفكم وكيف الحمل والبيبيات ؟
اسفه انقطعت عنكم فترةصابني نزيف وقالولي البيبي حجمه صغير ادعولي يابنات الله يثبت حملي على خير ويكون نمو الجنين طبيعي