حبيبتي لا عادي .. بس المهم انك تخلينها قدام عينك دايم عوديها انك ممكن تطبين عليها بأي لحظه ولا تسكر باب عليها وعلى بنتك .. خليها تحس انها ماراح تقدر تسوي شي .. يعني لازم متابعتها طول الوقت وكل وقت مو شرط تقعدي قدامها بس انك تتطمني وتشوفي وش قاعدين يعملوا ..
لان تصدقي من جد بنت خالتي.. تنضرب وتكره الشغاله وامها ماهي داريه ..
ووحده ثانيه صديقة لامي دايم بنتها مع الشغاله لدرجه ان اللي ربى بنتها الشغاله ماتعرف امها مثل الشغاله الله يهديها وكانت تقول لبنتها روحي للشغاله تقوم البنت تبكي تقولها الشغاله آآآآآ يعني تضربني ماتصدقها .. اثاريه بعدين اختها الكبيره طبت بالصدفه لقت الشغاله عشان تعقل البنت تصك عليها الباب بالمفتاح وترعبها واحيانا تضربها عشان تبطل تطلع فوق او تتشاقى تخيلي وةحده تبي من طفل مثل الالف مايسوي حاجه..

غلا الدنيا
الله المستعان من بلاوويهم يا بنت الحلال والله يقدرنا نربي عيالنا بروحنا بدوووونهم يارب

اي والله هوني صادقه .. انا احيانا افكر بنفسي واضحك .. لما تزوجت زوجي كانت اول مره بحياتي ادخل مطبخ والا ارتب بيت او امسك مسؤوليه شغله .. لاني ببيت اهلي كنت مدلعه ومرتاحه عندنا اللي يخدم واللي يشيل وحنا مرتاحين .. والحين لما جربت المسؤوليه شلت همها والله .. وصعبه ..
انا اللي اشيل همه قلت لك كيف راح اوفق بين الاثنين .. وتصدقين البيت متعب والله ..
احيانا امل اقول اللي نظفته امس برجع انظفه اليوم واطنش اللي عندي :22:
بس الله يعين مبسوووطه الحمدلله لما احس بنبضات البيبي وحركته ببطني وبنفس الوقت اقول الله يستر .. الاربعين بقضيها عند امي ان شاء الله اكون شديت حيلي .. وبعدها برجع البيت وبشوف وش راح يصير معي ..

وش اخباركم ياحلوات

عساكم بخير
الله يستر حركه البيب قاله له يومين مادري وش فيه خامل؟

اخبار الغاليات
عادي يالمسة حنان سبحان الله وقت ينشط ووقت يخمل قبل اسبوعين قلت شكله ميت الله يستر جلس يومين مااحس فيه وكنت قاريه في المنتدى اذا جلس 24 ساعه ماتحرك راجعي الطبيبه اكيد فيه مشكله وكنت مستخدمه مبيد قلت هو السبب حتى زوجي خاف ان المبيد هو السبب بس بعد كذا ماشاء الله تحرك وارتحت واخذتها درس مااستعجل وانه عادي مو اي كلام اسمعه اصدقه