تابع قصتي مع بائع المحل

انا قريت كل ردودكم واشكركم صراحه سواءا اللي نصحوني بأسلوب حلو واللي قالو اني غبيه واحب الهدايا لأن اثنينكم صحيتوني على نفسي
اخيراً لقينا حاجه ايجابيه من الردود السلبية طلع منكم فايدة 😂😂
يعني انا عاطفية ابعد حد ومشاعري حساسه وبالمقابل اخاف على مشاعر الناس وقلوبهم عشان كذا لين الحين ماقدرت اخذ قرار جازم وانهي العلاقة والله مو عشان الهدايا اقسم بالله اساسا الهدايا جتني منه بزيادة لين صار مالها طعم ما افرح فيها اخذها واحطها بالدرج واحيان ما افتحها كم يوم ،، يعني انا من نظرتي المغفلة اقول مسكين مبغى اجرحه هو يعطيني وانا ارده هو يداريني وانا لا على اني حاسه بالغلط ومعترفه فيه ١٠٠٪‏ واحس بتأنيب ضمير واخذ قرار اني اقطع علاقتي فيه لكن سرعان ماتطغى عاطفتي وارجع وهكذا وعلى فكرة اني ماحبه حب وغرام واحلام وردية على قولت وحده من البنات ولا بنيت احلام بس انه انسان محترم وعزيز وممكن لأني لسى بنت ماوصلت مرحلة النضج ماعندي حكمه وخبرة بالحياة بس نصحتوني انتو وخليتوني اشوف الموضوع من جهات مختلفة بعيداً عن المشاعر والاحاسيس منجد اشكركم لأني خلاص اخذت قرار اتركه واحظره من المكالمات والواتس وهداياه انا عارفه بيسوي لي فضيحة زي اول مره ويقول بوصلها لسيارتك لكن فكرت اني ابيع الذهب واتصدق بفلوسه والشنطه بعطيها احد محتاجها بس الأساور وش تنصحوني اسوي فيها تهقون تنباع ؟ اهي اصلية وغالية بس مدري احد يشتريها وابيعها في محل الذهب ولا وين علموني .
وشكلي من اليوم ورايح اذا حسيت نفسي غلطانه بشي بجي اكتبه هنا وتصحوني من غفلتي يا اني بغثكم يابنات 😂😂