تابع قصتي مع زوجي اهله2

يعطيكم ألف عافيه على ردودكم
والله يابنات اني مقهوره اليوم ملكته
المهم بكمل لكم قصتي الي على قولتهم فاقت وتعدت المسلسلات التركيه اللي عدد حلقاتها الميتين بعد الألف
طلعت من بيتي مع ابوي وامي واخوي الكبير والحمدلله ببناتي
مسينا على الرياض ووصلنا اقرب مستشفى حكومي وطلعت تقرير طبي وكان مده الشفاء اسبوع
واذا بي اتفاجىء بأن بنتي الكبيره في يدها اثار ضرب من الخيزرانه الي ابوها ضربني فيهااا
طلعت لها تقرير مع العلم ان (ابوها ماعمره هاوشها او ضربها او قال لها لا في حياته الاكان مدلعها اخر دلع حتى لو جاتها سخونه من التطعيمات يجلس يمرضها طول الليل ويعطيها العلاجات واذا شافها مسخنه مره تدمع عيونه علشانها ويسهر الليل طله يمرضها ويقول لي نامي وارتاحي باقي يمديك اذا رحت الدوام تتعبين معاها الله يعينك)
والله الذي الا اله الا هو سنه كامله وانا عند اهلي وبنتي ماهي راضيه تنسى الي صار لنا وتسأل كثير وينه وليش سوى كذا ليش ما يجي دقي عليه ابغا اكلمه
اااااااااااااااه يابنات حتى صارت تشبه لأبوها لمى اطالع فيها اتذكره واضمها وابكي الله يرجعه لنا .....
المهم دق ابو زوجي على عمي يقول له والله لأشتكيكم ولا جيبولي خاتمه كبيره
راح ابوي وشكاهم عند خالد الفيصل
قال ابوي بنتي تنضرب وهم الي يروحون يشتكون والله لالسبقهم
وررفع ابوي في المحكمه قضيه فسخ نكاح
وانا ما ابغى
المهم دارت الايام وتقابلت انا وزوجي في اصلاح ذات البين
يتكلم بكلام ماهو له ..وفي عيونه كلام ثاني
يقول ارجعي انا وبيتك نستناك واللي اخذك من لبيت يرجعك واهلك مايدخلون البيت
طبعا رفضت وحكم الشيخ بــ
1-مصروف شهري 1600
2-زياره البنات تكون في منزل الزوجه او احد اقاربها
3- تكون الحضانه لي
رفض كل هاذي وطلع من المحكمه بدون رجعه ولا اي خبر
تقابلنا في المحكمه عند الشيخ للطلاق واخذت بنتي الصغيره اللي ماتعرف ابوها
طبعا زوجي جايب معاه ابوه
والشيخ ماحضر
مر بجنب بنته ماسلم عليها والبنت تطلع فبه وفي ابوه مستغربه ما عمر احد مر من جنبها لين يسلم عليها ليه ماسلموامع العلم ان ابوي وقف المعامله حقت الضرب يقول لعل وعسى ربي يحنن قلوبهم ويرجعونك
وفي نفس اليوم راح ابوي وحرك المعامله ووصلت المحكمه الجزئيه وحكموا عليه بدفع3500 وسجن 5ايام
تنازل ابوي عن السجن وقال للشيخ والله مايهون علي اسجن ابو فلانه وفلانه
قلت للشيخ لو سمحت ممكن اجلس مع زوجي لوحدنا بوجودك قصدي طلع ابوه وابوي
رد ابوه وقال لالالالالالالا ولدي ما يبغى يجلس معاك
وزوجي ساكت كنه ماحضر الجلسه
مع ان في ناس يوصلون اخباره ابنا يقولون انه يحبني ويبغا يرجعني لاكن اهله
حتى عنده منتدى وحاط توقيعه
يــاطير باوصــيك لاطـــرت وتعليــت وكفــــخت بالجناحين ياطير عالي
وصل سلامي للخوي شمعه البيت وقله عقب فرقاه ياشين حالي
ــــــــــــــــــــــــــــ
وانا كتبتله هاذي القصيده وارسلتها على ايميله
يالله عساك في ذا الصبح تحقق منايا
برجــعه الغـــالي لنا ابو المــزايين

أليا شافته عيــني تزيل كل الخـــفايا
وبرجعته ترجع صحه ست المزايين

يالله رجيتك يارب لاتخـيب رجـــايا
يالواحد القادرعلى جمع قلوب المحبين

وتبــتعد عنــا عيـون كــل الخــلايق
اللي بسبتها من العمام وحنا بعايـد

امانه ردوا علي وقولوا لي رايكم في القصيده