تابع لمشكلتي وش صار

صباح الخير للموجودات صلو ع حبيبنا المصطفى
موضوع مشكلتي زوجي مسافر برفعه شوي
نسيت الزعل وجا زوجي وسويت قهوه وانا مشتاقه له رغم الزعل وهو جاي مبسوط وجلسنا وسولفنا تمنيت اني انبسط مثله
وقال بنشوف لنا وقت ونروح للجنوب انا اخذت كلمته واعطتني امل بس قلت يمكن لانه توه جاي قال
عدى شهر وقلت قبل امس خلينا ناخذلنا ٣٠٠ريال ونروح ميتين للبنزيم و٥٠ للعشا انا بسطت لهالدرجه ماطلبت كثير وقلت خلينا نغير جو دام اخوك هنا عند اهلك ونمشي البنات طبعا عرف اني بقوله كذا قبل اتكلم وحسيته بطل يضحك لان كنا مبسوطين ونسولف
وقال مافي فلوس
انا بقولكم المشكله مو بالفلوس لان امه واخواته مرات يقولون له بنروح اخر الشهر والراتب من فتره طويله ويوديهم وعادي وقبل اتصل خويه عليه بنروح الاردن وحسيت الفرحه بعيونه وراح معاه يعني مو هو اللي يطلب منهم هم يطلبون منه
وعرفت ان المشكله مو الفلوس
ومريت قبل فتره باكتءاب ودايما يرجعلي البكا اللي يتعبني نفسيا
لا وظيفه احس طفشت من كل شي حولي امي خالتي مافي شي جديد بحياتي والله اني ابكي من الطفش
ابغى شي جديد حياتي هي هي بناتي الله يخليهم لي وشغل بيت وبس هذي حياتي يعني تعبت نفسيا
مااحب الفضاوه احب التغيير والتجديد ودايما اقول طفشت من كل شي بحياتي ابغى اغير جو
الاسبوع الجاي بقدم ع التحفيظ وبصبغ شعري كنوع من التغيير
المنطقه اللي ساكنه فيها منتزهين يعني مافي شي جديد


لكن الحق يقال لما اقوله طفشت نطلع يطلعني قريب بنفس المكان يعني اماكن حافظتها عن غيب طفشت منها


ماني فاهمه هل هو قلة حب مع اني احس الحب بعيونه ومعاملته الطيبه
صدقوني هذا الشي مسبب لي ازمه بحياتي ونفسيتي تحتاج
المهم بعد كذا زعلت وبكيت وقلت اذا مامشيتني من بيمشيني مالي غيرك
وقلته ودني عند اهلي عشان اغير جو عن البيت اللي طفشت منه وانا عند اهلي طبعا مو عشان زعلانه بس عشان يفكر هو
وطبعا ان حافظه من القران عشان ماتقولون بعد عن الله سبحانه