لاتدعين على ابوهم لو يصير له شي هم المتضررين ... الله يعوضك خير ...قولي اللهم أجرني في مصيبتي واخلفني خير منه .....امكن يرجع لك مع الايام ...فتره وتعدي .
معوضه خير بإذن االله الحين انسي الزواج والطلاق
وكوني روحك وكملي شهادتك العمر قدامك والدنيا ماتوقف غ احد
كلنا اوقات نضعف وننكسر ونقول خلاص هذي النايهه
بس لاقلتي يارب اجبربي جبرآ يليق بجلال وجهك وعظيم سلطانه
انتي معاك وردتين داريه وارعيهم واهم من الكل نفسك
الله يوفقك ي قمر
وكوني روحك وكملي شهادتك العمر قدامك والدنيا ماتوقف غ احد
كلنا اوقات نضعف وننكسر ونقول خلاص هذي النايهه
بس لاقلتي يارب اجبربي جبرآ يليق بجلال وجهك وعظيم سلطانه
انتي معاك وردتين داريه وارعيهم واهم من الكل نفسك
الله يوفقك ي قمر
الصفحة الأخيرة
الطلاق كسر المرأه
قال صلى الله عليه وسلم : ( وكسرها طلاقها ).
حتى لو ماظُلمتي لابد تحسين انك مكسوره ، لان الطلاق كسر المرأه.
فالحمدلله ، ان طلاقك بقدر = خير لك ولااشك
ولو كان باختيارك ، كان اكلتي نفسك حسرة ولوم بعد هذا الشعور
عموماً اسال الله العظيم ان يجبر كسرك ، ويعوضك خيراً مما ذهب .
ويرزقك بنصيب خيراً منه ، رجل يتقي الله فيك و يحسن وزن الامور بين اهله و ارحامه ولايحيف بين الكفتين .
وقرارك يفرررح ، وحبيت جداً هذي النفسيه زي مايقولون ( الضربه اللي ماتقتلك تقويّك )
فعلاً اثبتي لنفسك ، انك تستحقين الافضل ..
وتلمّسي الفرص بحياتك والطرق المتاحه لك ، حتى تعيشين حياة افضل
تعوضين نفسك وتكرمينها وترفعينها ، وذلك باذن الله ينعكس على ابنك وعلى تربيتك له
فما فيه احسن من ان الواحد يكرم نفسه ويعزها ..
تلاقئياً ، لمن تسلكين الطرق الافضل اللي يحطها ربي بطريقك
وترفعين همتك بالحياة ، تصير سوالف الحريم واحقادهم زي النمل تحت اقدامك يتحرك يتحرك ..لكنك تشوفينه صغير
وماعندك وقت تركزين على مثله وبحجمه
النقطتين المهمتين لك :
🌟 - اطوي صفحته واهله ، ولا تنشغلين بهم .. سيتكفل الله بحقك ان سألتيه - و بإذن الله - تُعرّفين النصر بدون تنبيش وراى اخبارهم . ضروري ولابد ، ولاتستقيم الحياة معك بدون ماتجعلين لك خط مع المشي في منافع دنياك خط ثاني موازي له بالهمّه والانشغال قربه الى الله .
🌟 - قلتي ( وين الخير اللي سواه مدري ) وهذا من كفران العشير اللي متوعدات النساء بدخول النار عليه - نسال الله السلامه والعافيه لنا ولك -، توبي منها وامسحيها خيراً لك واصلح ، فانتي عشتي معه ايام طويله ، لو ماسوى معك خيراً ما صبرتي عليه ، ولا انصدمتي من طلاقه لو كان مسيئ فهذا اللي بيكون متوقع من اللي مثله ،
واسال الله بمنه وكرمه وفضله واحسانه
ورحمته وعظيم امتنانه
ان تكون هذي الحادثه يعقبها توجه خير لحياتك
يفتح لك فيه الخير ، والرزق ، والعلم ،والايمان ، والبركه ،
وراحة البال ، وانشراح الصدر ، وسلامة القلب
انه ولي ذلك والقادر عليه
والحمدلله كثيرا كما انعم كثيرا ، وفي طيات المحن منن
لاتعد ولاتحصى ، نؤمن بحكمته ، ونرجو رحمته
ونسأله مغفرته ، والفوز برضاه وجنته
والصلاة والسلام على خير الانام وصحبه الكرام
وللقارئه والمُؤمّنه
،