بعد السلام عليكم
هادا تابع موضوعي السابق " أفكار تنظيف تنظيم ترتيب لعيون الحلوين المطبخ"
خلصت شغلي واجيت
وعدتكم اليوم نزل الافكار خلونا نبلش متل البارحة بمثل بيئوووووول:
" مد لحافك عئد رجلييييك"
ولا تنسوا الصلاة عالنبي اللهم صلي وسلم عليك يارسول الله
أفكااااااااار للحلوين:
اذا عندك كاسات ام دنين للزينة متل اللي بالصورة حطي فيهم شتلات زريعة وحطيهم بالمطبخ هادا اذا ماعندك شباك
لاحقتك لاحقتك لحتى تحطي زريعة بمطبخك لو بالكاسات خخخخخ
فوط المطبخ فيكي ترتبيهم وتحطيهم بسلة ظريفة وضيفي لمستك الخاصة الهم
يا ام الحركتااات :S_45: بعرفك هاااا
اختاري الوان مفرفحة لبرداية مطبخ وبعدي عن الالوان الرسمية لانو المفرفح بيعكس لون حلو لحياتك دخيلووووو المذوق
خلي عندك بالبيت علب حفظ الطعام بكل الاحجام للبراد وبلالك عجقة الصحوووون
اسال مجرب ولا تسال حكيم :29:
اذا مطبخك كبير وعندك جرارات كبيرة فيكي تستغليهم وتحكي فيهم علب كبيرة عندك ورتبي فيهم علب البهارات كمان متل الي بالصورة
اذا مطبخك ضيق فيكي تعملي دروج تحت المجلى وتفطيهم ببرداية اذا مو حابة منظرهم خطيييييييييييييرة :biggrin:
استنوووووووووووووني لسا ما خلصت لا حدا يرررررررد
والا بزعل :44:
أل الحكي الك ياكنة سمعي ياجارة خخخخ
كمان اذا مطبخك ضيق وصغير ومحتارة وبدك محل للمعالق الكبيرة ودولات القهوة وهالشغلات جيبي خشبة متل اللي بالصورة ودقي فيها مسامير وعلقيها فوق المجلى او مكان مابيناسبك وشوفي شلون بتريحك واذا حضرتك بتحبي الفرفشة لونيها باللون الي بيعجبك وين رايحة مني بدي غيرلك مطبخك وخلي ملون كمان ههههه
بالنسبة لمصافي المطبخ فيكي تعلقيهم فوق بعض فكرة انا عجبتني
وسلات المطبخ ااااخ منهم اذا مطبخك ضيق فيكي تعلقيهم عالحيط كمان بتوسعي محل وفكرة ظريفة وشكلها مرت ...... تغييير شكل
خخخخخخ صرنا نطلع عالحيطان خخخخ
اذا ماعندك محل للبهارات وعندك علب كبيرة محتارة فيهم وماعندك احم احم مصاري لتجيبي خزانة طول بعرض فشخرة خخخ وحابة تقتصدي ببساطة فيكي تجيبي رف ورتبي فيه البهارات وهالعلب واعملي اخر رفين للخضرة او الفوط او شو مابدك وفيكي طبعا تغلفيه او تدهني او تضيفي لمستك عليه بالشكل الي بتحبيه
ولا تنسي كل عقدة الها حلال
هدول ظراف بيتعلقوا بالمطبخ وشغلتهم بسيطة وموجودين وين ماكان فلفل وبصل ورمان مجفف
واذا رفك مكشوف فيكي ترتبي القطارميز وتجيبي قماشة او نايلونة ملونة وتقصيها دوائر وتحطي تحت كل خطى وحدة متل الرف الي بالصورة خصوصي للمخللات واللبنة والمكدوووس جعت هههه
ااااااخ شو بحب الحركاااااااات
واذا بتحبي التطريز والكروشيه فيكي تساوي تشكيلة ابريق وفناجينو وتحطيها عطاولة المطبخ واخواتنا بقسم الكروشيه مبدعاااات خدي منهم
عن جد روووووووووووعة
وعندك هالسلة كمان بالكروشيه فيكي تحطيها بالمطبخ وتحطي فيها الكبريت او الولاعة او الشمع او اي شغلات صغيرة محتارة فيهم فظييييعة
ولا بد من بعض حركتات واكسسوارات للمطبخ
وهااااي
كماااان هااااي
وبسسسسسسسسس
بتمنى يكون عجبكم موضوعي الاول المطبخ وافكار للحلوين
وان شا الله المرة الجاي موضوعي الحمام الله يكرمكم
بحبكم حب الشباك للبرداية خخخ صرنا نحكي بلهجة المطبخ
ولا تنسو كمان انو لازم تكون همتكم دايما عالية للشغل ولا تخلي مجال للكسل او الوسخ او الاهمال يفوت بيتك قوليلوو يابروحي يابروحك ... اسحاااب
مسويه فيها العكيييد ابو شهاب خخخخ
خليكي عئولة السوررييين حربوقة يعني ست بيت شاطرة من مجاميعوووو
ومتل ماقلتلكم علمي بناتك من هم وصغار النظافة
طب الجرة عتمها...بتطلع البنت لامها
ودعواتكم لي بظهر الغيب بالولد الصالح والله يطعم كل محرومة
احبكم في الله