تابع موضوع مشكلة عنوستي ..

السلام عليكم

اخواتي وحبيباتي

قرات في هذا القسم من المنتدى بعض المواضيع

الذي دفعتني لكتابة موضوعي هذا

وهو مايخص العنوسه
او دعونا نقول التأخر في الزواج :01:



حبيباتي

سأقول لكم قصه مرت بي انا شخصيا

واتمنى واسأل الله عز وجل ان اانفعكم بها

وتكون للعظة والعبرة

لاخواتي اللاتي يتعثرن في مسألة الزواج ...


واستسمحكم عذرا اني راح اسردها باللغة العامية ...

فلا وقت لدي لتنسيق الجمل ....


<<<< وحده مره مستعجلة ...

الآن انا عمري تقريبا 24 سنة

لما تخرجت من الثانوية العامة


خطبني ولد خالي ( خطبه فقط بدون ملكة )

بداية كنت موافقة

لكن بعد كذا صار أحداث وظروف

خلتني اشيل هالشخص تماما من بالي

تردد علينا كذا مره

وفي كل مره يقابل بالرفض

المهم

تركني هو وخطب وتزوج وراح في حاله :11:


طول هالفتره اللي كان يتردد فيها علينا لخطبتي مره بعد مره

يعني فتره 4 سنوات ...

مااحد خطبني نهائيا !!

المهم

بعد زواجه بكم شهر

بديت انخطب :32:

والزواج قسمة ونصيب

لكن لدرجه ان 8 (ثمااااااااااااااانية ) اشخاص او اكثر

كلهم يجوون اهاليهم عن سابق معرفة واعجاب فينا

بس بعد مايزورونا ويتكلمون في الموضوع

يتوقفون وماعاد يكملون


( يعني مثال (للتوضيح ) وحده صديقتي وتعرفني زين مازين ... وامها تعرفني

يكلموني في الموضوع واعطيهم الرد بان ماعندي مانع

وفعلا يزورونا ويتكلمون مع الوالده في الموضوع

لكن بعد كذا مايكملون ... وينسحبون بهدوووووء !!!!!)


ومو شخص ولا اثنين ولا ثلاثة

والله (ثماااااانية)):06:8 اشخاااص وكلهم في سنة وحده



بصراحه بعد كذا تحطمت ...

وهذا الامر اثر في نفسيتي !!

وكنت دائما اسأل نفسي ؟!! ليه هالناس يجوون وماعاد يكملون ..أنا فيني شيء ؟

أخلاقي فيها شيء ؟ أهلي فيهم شيء ؟!!

لا طبعا .... واصلا كل اللي جو يعرفونا زين مازين

صرت اتمنى انهم يكملون بس حتى لو مايتم الموضوع .. بس انهم يكملون ...


المهم مرره اأمي جات وقالت لي ( فلانه اتصلت وتقول تبي تجي عشان يشوفونك بيخطبونك ....))

قلت لامي كالعاده بيجوون .. ولما يخرجون ماراح يرجعون

وماادري وش خلاني اقول لامي اصلا انا احس اني (((((منفوسة ))))) :42:

بعد ماراحت امي قعدت افكر في كلمة( منفوسه ) وش جابها على بالي ؟!!

يمكن ليه لا ؟؟؟

يمكن احد نفسه فيني

المهم دخلت الفكرة في رأسي

وفكررررت ملئيا

وتذكرت ولد خالي

صح هو كان نفسه فيني ...


قلت لامي .... لكن مااهتمت ابدا بكلامي ...

وصارت الفكرة تدور براسي

مع اني ماكنت مقتنعه .. لكن كنت اقنع في نفسي

وقلت بجرب انا وش خسرانه ...

وتذكرت قصه صارت عندنا بالعايله ( ان واحد اشترى سياره جديدة..وولد عمه كان نفسه فيها قبل.. المهم ان هذا اللي اشتراها ماقدر ابدا يستخدمها وتخرب عليه كل لحظة ..المهم هو شك في ولد عمه وقاله بخها وفعلا من بعدها ماخربت ابد ) :11:



المهم دخلت للنت بحثت عن علاج للعين والنفس

ولقيت في كذا موقع

1- انك تتتوضأ بماء وضوءه أو

2- انك تأخذ من اثر العائن اي شيء اختلط بعرقه

مثلا .. بقايا طعامه..( مثل نواه التمر بشرط ان تكون اختلطت بريقه)

او بقايا ملابسه ..بشرط ان تكون اختلطت بعرقه ( تنقعها في ماء وتشرب او تتوضأ بماها )

وهكذا

طبعا مع اخلاص النية ... والاتكال على الله .. واليقين ان الله هو الشافي المعافي

طبعا الوضوء كان صعبا بالنسبه ليه .. كيف اقوله ابغى بقايا وضوءك ؟


فقررت أخذ شيء من أثره ...

لكن كيف ؟!!:(

كلمت وحده من عائلته (اثق فيها )

وفعلا كلمتني بعدها بأيام وقالت جاء عندي وشرب ماء وبقى في الكاس شويه ينفع ؟!

قلت ايه ينفع ونص .......

وقالت انه وقف عند الباب بدون حذاء .. ومسحت المحل اللي كان واقف فيه بمنشفة مبلله

ينفع ؟!!

قلت حسب معلوماتي اي شيء اختلط بعرقه ينفع ....


انا اخذت بقايا الماء بعد ماقرأت المعوذات والدعاء

وشربته ....

والمنشفه عصرت مويتها واضفت لها

وتوضيت فيها ......


................
.....

طولت عليكم

لكن الخلاصة

ان الخطيب الحبيب

جاء بعد هذا اللي سويته

بـ ( ثلاثة ايأم )


ولأول مره يتم الموضوع لأخره


واتملكت عليه


وزواجي ان شاء الله الصيفيه الجاية

.....


ومازااااال في سؤال يترردد في خاطري

ياترى هل انا كنت منفوسه بالفعل ؟؟

ولو اني ماسويت هالامور كان ممكن تتم هالخطوبة ؟!! والا مصيرها مصير سايقاتها ؟!!

الله أعلم !!
:13:


وفي الأخير

أ)) اتمنى اني لفت انتباهكم لموضوع العين والنفس .... يمكن هي احد اسباب تأخرك بالزواج

ب)) اتمنى منك المحافظة على الاذكار وتحصين نفسك ....