وجيت بموضوع جديد >>> راح تطفشو مني لحد ما اخلص الافكار الي عندي يعني استحملو :biggrin::S_45:
المهم اليوم راح اتكلم عن الحواجب و طبعا الحواجب دائما احس انها تحدد الوجة و جمالة اذا كانت مظبوطة
انا عن نفسي اشقر و ارسم بالتاتو او قلم الحواجب واذا عندي مزاج او مناسبة اقوم و ارسم بالصبغة
بس بقولكم شئ قبل ما ابدأ ما ابغى وحدة تجي مدرعمة و تقول حرام التشقير ( عشان العلماء و الشيوخ اختلفو في هذا الموضوع) وانا امشى على حديث الرسول صلى الله عليه و سلم و هو قالم لعن النامصة يعني الي تشيل الشعر بالموس او بالمنقاط او تنتف الشعر
يعني ياريت ما حد يجي يقول حرام التشقير عشان حصل الاختلاف في هذا الموضوع و انا راح امشي بحديث الرسول صلى الله علية وسلم الي تشقر راح تستفيد و الي ما تشقر يابختها >> وسامحوني اذا كلامي زعل اي وحدة وانا ترددت بالكتابة عن هذا الموضوع بس قلت راح اكتبه للاستفادة والله عالم ما بالانفس >>> اعرف في موضوع اليوم جدية شوي بس مرات الردود تكون زي السم من غير ما يراعو مشاعر الاخرين طبعا ما في هذا القسم الحمدلله:kiss2::love:
اول شئ راح اكتب عن منتجات التاتو او قلم الحواجب الي انا استخدمها و جميعها جيدة
يلا بسم الله
بس بوضح كل المنتجات الي انا راح اكتبها جميعها عجبتي يعني مافي انتقاد انا راح اكتبهم كلهم و انتي اختاري الي يناسبك
اول شئ جل من ماك
الجل هذا ممتاز و يغطي حواجبك وهو ضد الماء في منة الاسود و البني والوان2-جل من انستازيا
هذا الجل ايضا رائع اشتريتة من تاجرة عشان الماركة هذة مو موجودة في المدينة ( اذا موجودة معناتة ما اعرف من فين ) وله اربعة الوان مافي منه اسود اذا اختري اخر درجة من البني راح يعطيك نتيجة حلوة وهو ضد الماء 3- بودرة بودي شوب (the body shop)
كمان هذه البودرة حلوة 4- من ميك اب فور ايفر ( make up for ever )
رائع و راح تلقية في محل وجوه هو رائع و يغطي كل الحواجب و في منه الوان
5-قلم من ريميل
رائع و في منه ثلاثة الوان
6- قلم سائل من ماك
هذا القلم سائل و راح يحدد حواجبك بطريقة عجيبة و يعبي حواجبك وما راح يتكتل وحواجبك راح تكون ناعمة و في نفس الوقت ينشف بسرعة
7- جل حواجب يشبة الماسكرا بس هو للحواجب مو للرموش من ميك اب فور ايفر ( make up for ever)
هذا الجل حلو للوحدة راح يعبي حواجبك من غير ما يحدد او يرسم حواجيك اتمنى اكون وصلت المعلومة ههههه ما عرف اشرح وكيف تستخدميه تطلعي الفرشة و تمشطي حواجبك بأتجاه واحد بس عشان اذا لعبتي كثير راح يتكتل بسرعة
طيب خلصنا من المنتجات كيف راح نستعمل هذه الاشياء
عشان ترسمي حواجبك بالجل انتي راح تحتاجي فرشة رسم حواجب وانا اشتخدم نوعي فقط
1- فرشة من ماك و هذة صورتها
وصورة ثانية تقريبية
2- فرشة من انستازيا هذة الفرشة اشتريتها من تاجرة
وطبعا البودرة جاية معها فرشة
كيفية رسم الحواجب
انا راح احط الصور و بعدين احاول اشرح بأختصار عشان الموضوع ما يطول زيادة
لقيت هذة الصورة في النت و تبين رسم الحاجب الصحيح زي ما هو موضح من البداية و المنتصف و النهاية و هذة الطريقة الي انا دائما اسويها وكيف تحديدي بأي قلم حواجب حطية في بداية العين و بعدين حطي نقطة صغيرة عشان بعدين لما ترسمي حواجبك و سوي نفس الطريقة لي الوسط و النهاية
وهذة الطريقة تستخدمي فيها اي منتج القلم او البودرة او الجل 1- تحطي خط في الاسفل على الشكل الي انتي تبغية
2- خط في الوسط بعدين راح اقولك ليش
3-تقومي تعبي الحواجب
4- شفتو البداية كيف زي ما موضح في الرسمة ما حطت خط مستقيم طيف ليش؟؟؟؟ عشان يبن الحاجب على انه طبيعي بس اذا حطيتي خط في بداية الحاجب راح يبن انه صبغة
وهذة صورة ثانية بالتشقر ( بس حبيت اقول كنت راح اكتب عن التشقير بس حصلت موضوع عنة بس الصورة ان شاءالله موضحة وما تبغى شرح)
هذة الصورة لقيتها في النت و الطريقة صحيحة بس نصيحة مني بعد ما تخلضي من التشقر حطي فازلين في حواجبك شويملاحظات في التشقير : كيف ترسمي حواجبك بالصبغة بي اعواد الاسنان
كيف تحطي التشقير بس اعواد الاذن
خواتي اي سؤال انا حاضرة و اي معلومات اضافية ما عندي مانع اكتبوها في الردود عشان الكل يستفيد
وهذة بعض صور الحواجب
يلا اشوفكم بكرة مع الردود
اختكم في الله:26::26: