تاجراتنا..بين الحقيقة والخيال؟ولكن..من يتقي الله يجعل له مخرجا ويرزقه من حيث لا يحتسب

الملتقى العام

السلام عليكم ورحمة الله وبركاته

الموضوع لم يوضع للهجوم من قبل التاجرات فيشهد الله اني تعاملت مع الكثير منهم وكانت اكثرهم قمة بالاخلاق وقمة بالرقي والصدق ولا اخص احد ولا اظلم احد ولكن ما حصل مع والدتي جعلني ابكي وافكر كثيرا واقول بيني وبين نفسي هل السبب المال؟؟ ام طمعنا نحن لنحصل على شيء نفتقده؟؟؟


اكرر لا اخص الذكر تاجرة معينة وانما بضاعه معينة....

لو تم اغلاق الموضوع من قبل مشرفة او الادارة سيكون لكم نصيب من دعاء المتضررات فهل نخاف من تاجرة ام الخوف يكون من الله؟؟

امي امراه تبلغ ال 63 سنة يعني ماهي صغيرة ..كبيرة وقد كان لها نصيب من الامراض الملازمة لكبار السن مثل الضغط والسكري وتسارع في نبضات القلب لكنها الحمد لله يعني ماهي على عكاز او عجوزة كثير بس هي امراض ترهق الجسد...

اقنعتها بان تجرب منتج من النت كثر الكلام والصور عنه؟؟؟؟

منتج لتمليس الشعر بالاعشاب وياريتني ما اقنعتها الفلوس ما تهمنا الفلوس تروح وتيجي لكن رؤيتي لامي المتحمسه للنتيجة وتحملها لالم رقبتها اللي تيبست نتيجة مد الشعر على استقامته على الظهر كما كتب بالورقة المرفقة وتحملها لهذه المادة اللزجه الغريبة 24 ساعه هذا لاشيء لكن رؤيتي لها متحمله الم ازالة المادة من شعرها وطلب المساعده لانه يديها خانتها وتعبت وسماع نفسها الذي بدا يتسارع لانها احيانا عليها ان تقلب راسها لوقت طويل لنزيل بواقي المادة اللزجة كل هذا ونقول لابأس راح ترتاح من هم السشوار..

لما انتهينا من ازلة الحنا كانت والله والله امي خلااص تعبت وبدأ جسمها يرتجف تعب وكانت الصدمة...

كانك يا زيد ما غزيت.....

حتى الشيب ما اتغطى كله الشيب ظاهره جزء كبير منه

طبعا الحجة معروفة انتي ما طبقتي الخطوات على الاصول..

اقول لاااااا على اصول الاصول انا لي شهووور اقرا واشوف تجارب غير هذا طبقت كلامكم بالورقة المرفقه تطبيق حرفي حرفي هذي حجة ما بتمشي علينا...

تقولون جربيها بعد شهر اقول اي شهر واساساااااا شعرها ما اتغير فيه شيء هو هو ليه اتكلف بشراء المنتج مرتين وحوالة الارسال وتكاليف الشحن لا وتعب الحنة بوضعها وازالتها مرتين ليش؟؟؟ ما اعتقد الحل بتجربتها مرة ثانية...

بتقولون يمكن تسحيب الشعر غلط...

اقول جبنا كوافيرة شاطرة سحبت شعرها اول بالسشوار ثم بمكواة الشعر الخاصة حتى صار حريررر...

مو بس كذا هذا غير جفاف الشعر المخيف اللي اتسببتلها الاعشاب وكل يوم نستخدم زيوت ولافي فايدة اوف والا ظوافري يلي صارت بنيه مكحته مثل العجوزة من الحنه لانه لايمكن فردها باستخدام قفازات لانها مادة لزجه ..

قلت فداكي يا امي المهم تنبسطي وترتاحي..

كل ما اشوفها اخجل واتالم واقول ليش خواتي؟؟؟


هذا مو المنتج الوحيد الي جربته كمان في خلطة اعشاب لوقف نمو الشعر من الجسم... جربنا وجربنا والشعر العنيد هو هو مع العلم احنا موبشعورات مثلنا مثل اي مره عندها شعر لكن نحب الراحة قلت يمكن معي انا ما زبطت يمكن لكن مو زعلانه من صاحبة المنتج لانها ما تسببت بتعب او ارهاق لنا فقط لجيوبنا وهذي بسيطة...
مو مهم يمكن حظنا

لكن كيف الادارة تسوق منتج قبل ما يكون تم تجربته من عدة عضوات ثم يتم طرحة بالسوق


الله يعني على الحرب يلي راح تشن علي...

لكن لعيون امي الغالية حلفت اكتب ما في قلبي وما يهمني كلامكم الجارح..

من يتقي الله يجعل له مخرجها ويرزقه من حيث لا يحتسب لاحظي يرزقه...

ربي يرزقنا ويرزقكم العمل الصالح...

وعيدكم مبارك...
10
244

يلزم عليك تسجيل الدخول أولًا لكتابة تعليق.

تسجيل دخول

99توتة99
99توتة99
رفع
الله يرزقك البر بأمك
وزي ما قالت الاخت من حقك تذكري التجربة سوا كانت زينه اوشينة علشان البنات ياخذون حذرهم
لبنا الحارثي
لبنا الحارثي
الله يشفي امك يارب وهالخرابيط لاتصدقينهم مره ثانيه الله يعينك
قريبتي مجربه شيات من النت اقسم بالله و ش اقول بس
الله يسعدك قلتي اللي بخاطري
ابرة وخيط
ابرة وخيط
بارك الله فيكم اخواتي هذا فعلا واحد من كذب النت والبضاعه الكاذبة

لكن احب اوجه كلمة للمشاركات بهذه الخدعة اللي ارسلن صور بناتهن وشعورهن المهفهفه اقول ماتخافين لمن تخدعين خواتك؟؟؟

ترى على فكرة شعر امي طبيعة الشعره ناعمة مو ناشفة او خشنة لكنه بيلف حتى ما تفكر صاحبة المنتج انه سلكة فما زبط شلون لو كان شعر اجعد؟؟

لا وكمان تطلبي لون يجيكي لون ثاني

وكمان اول مرة اشوف حنه لونها ضرب يعني من الجذور اعطى لون نحاسي والباقي اسود مفحم

على كلا تجربه وندمانه ما اقول الا اتقووووووا الله خواتي جيوبنا مو سبيل لتجاربكم
سعوديهـ ذوق
سعوديهـ ذوق
ماجربت التاجرات .. بس كل يوم والثاني اكتشف انه التعامل معهم ضربه حظ ..
أم نـــوف
أم نـــوف
انا لا يمكن اصدق عالخرابيط واستحاله


ياويلهم من ربي