انتي رحتي جمعة ولا شفتي فلم اكشن
الله يعينها الحرمة اللي عزمتكم اكيد اخر مرة
وانتي اذا ماعزمتي اللي عندها عيال تزعل؟
ممكن تدوري يوم تكون فية مشغولة او معزومة
وتستغلي الوقت وتعزمي الشلة اشرايك عجبتك الفكرة

الله يعينك .......... بس نصيحه حاولي تقللي جمعاتهم اريحلك دام فيها توتر اعصاب.........

اوووووووووف الله يعينك
انا صراحه ماتحمل عيالي وش عاد بزران الناس
نبي نتقهوى نبي هدوء مو بزران ولجه

السلام
الحمد لله عودت عيالي ما يسالوني وين رايحة من صغرهم الحمد لله ما حد يروح معي حتى ادا رحت ازور امي ازورها وحدي واحيانا اخد بنتي ام 6شهور عشان ما يسوون لها شي ءبغيابي
اما ادا كانت عزومة حريم ما اخد احد حتى الصغيرة ما اشيلهااا وعيالي تعودوا وصار الموضوع ما يهمهم
وادا كانت عزومة كبيرة وباستراحة وملاعب وتخص اهلنا ومعارفنا اخدهم وما اشوفهم ابد بس مع هالبزران بالمسطحات
الناس ضايقة ببزارينها اضايقهم انا زيادة وخاصة ادا كانت العزومة بالبيوت

والله الأطفال رووووعة بس تعالي بقولج طريقة تسويينها إذا كان دورج في الجمعة مع هلج وصويحباتج
خصصي غرفة في البيت للألعاب ومشاهدة قنوات الأطفال .. وحطي فيها طاولتين ومجموعة كراسي وجيبي لهم المعجون الملون والتركيبات وكراريس التلوين وشغلي لهم القنوات وشوفي اشلون بيصيلر الوضع ... كل طفل على مستوى العمر بيروح للشي الي يحبة
وبيلتهون بالألعاب وشوفة الرسوم المتحركة .. وإذا عندج شغالة أو مع وحده من صاحباتج شغالة خليها تجلس وياهم ..

كمان فيه طريقة وااااااااايد حلوة إنج تجيبين نطاطية بالأجرة وتحطيها في ساحة المنزل .. هاذي قمة الوناسة عند اليهال ..
وجيبي أكياس الطعام وحطي ف كل كيس عصير وشيبس وشوكليت وبالون أو نظارة أو أي لعبة ,, من باب إنج تلهينهم عن الجية لمجلس الحريم والاستيلاء على الضيافة الخاصة بضيوفج..

وممكن إذا كان وقت الصيف حطي مسبح مطاطي في الساحة ...

دوري ع الشي الي يلهي الأطفال منها إن ما نبي نزعل حد منا ونكسب جية صاحباتنا ..

دمتي بود