(مبروك مدام انتي حامل)
كلمه تنتظرها اي وحده بفارغ الصبر لها فرحه كبيره لك وللي حواليك وكل من يحبك مشاعر الفرح تزداد مع التبريكات اللي توصلك هذي الفرحه راح تكون اول اسبوع من الحمل
لكن راح يبدا الوحم ومشاكل الحمل ثم مع تقدم الشهور يبدا الثقل وتلقين الوحده كارهه نفسها وهذا احساس طبيعي لكل وحده لكن خلونا نجي للمهم
(اهمال الحامل لنفسها)
نقطه مهمه تتجاهلها الكثر من اخواتنا الحوامل خلاص الوحده من تدري انها حامل كل شي تاجله لبعد الولاده طيب ليه يعني الحمل خلاص اهمااااااااااااال
بالعكس اهتمامك لنفسك راح ينعكس عليك بالشي الايجابي
اهم شي اهمتمي بـ........
غذائك
اهتمي باكلك زين لان هالشي راح يرجعلك ولجنينك ولا هو معناه من اصحى لين انام وانا اكل ومن دون حساب او قيود
اجتني اكل المطاعم والدهون والقلي ركزي على الحليب والتمر والفواكه والخضروات والاشياء اللي ما تفيد ابتعدي عنها
البشره
لا تهملين بشرتك ابدا مهما كانت الظروف بالعكس حاولي تسوين سكراب مره بالاسبوع حطي اقنعه طبيعه على وجهك
(زبادي , عسل ) روحي لقسم البشره الاخوات هناك ما قصروا خذي اللي يناسبك وطبقيه
الشعر
اقل شي في الاسبوع مره فرغي نفسك لشعرك حطي زيت او حمام زيت ومن هالخلطات كل اسبوع حطي خلطه قصي اطراف شعرك عشان يروح عنه التقصف
الجسم
احرصي دائما على ترطيب جسمك اخذي أي مرطب وبعد كل حمام رطبي جسمك حتى تحدي من التشققات الناتجه عن تمدد الجسم حطي بودره معطره او اخذي مجموعه من زهور الريف او نكتار واستخدميها
الاستحمام يجدد نشاطك حاولى اول ما تصحين تسبحين وشوفي كيف النشاط والكسل راح يبعد عنك
الملابس
حاولي انك تختارين الملابس المريحه والواسعه نوعي في اختيارك لا تجعلي نمطها واحد حتى لا تملي منها
واهم شي الجزم وانتوا بكرامه اختاري الواسعه المريحه وتكون واطيه عشان ما تتعبك
والاهم ياخواتي اوصيكم ونفسي بقراءه القران خصصوا لكم وقت واقروا فها تشعرين براحه وسعاده فهو شفاء للقلوب والنفوس
هذا ما قدرت عليه وكتبته وان كنت ناسيه شي او فكره خلونا نذكرها عشان تعم الاستفاده
والله يسهل على اخواتنا الحوامل ويفرح قلوبهم بشوفت ضناهم يارب
ولا تنسوني من دعواتكم لي
وفق الله الجميع
اعشاب قصيميه @aaashab_ksymyh
محررة ذهبية
يلزم عليك تسجيل الدخول أولًا لكتابة تعليق.
*عطورة* :
نصائح من ذهب جزاك الله خير والله يسهل على كل حامل ياربنصائح من ذهب جزاك الله خير والله يسهل على كل حامل يارب
الصفحة الأخيرة
جزاك الله خير والله يسهل على كل حامل يارب