انا بنتي عمرها عشر شهور ونصف ومن تسع شهور وهي توقف وتسند نفسها على الكنب او الطاوله والحين صارت تمشي وهي ماسكه بالطاوله او الكنب وتنتقل من الكنب للطاوله وانا احاول ابعدهم عن بعض واحط على الكنبه شيء تحبه وفعلا تحاول لين تمسك الاثنين وتوصل للي تبيه .

لما اطلعها من المشايه حقتها اسندها عليها من وراء وتمشي بمساعدتها وتنتقل لاطرافها

بالنسبه لك لا تخافي
بنت اخوي ما مشت الا وعمرها سنه وثلاث شهور
وولد أختي مشى وعمره سنه واربع شهور

وخذي قاعده مني كل طفل وله ظروفه اذا حسيتي ان فيه ضعف برجوله وما يقدر يوقف عليها او يشدها راجعي فيه لكن ما دام ما شاء الله كل شيء طبيعي توكلي على الله ترا بعض الاطفال خوافين ( يخافون حاولي تشجعيه )

عادي انا بناتي مامشن الا بعد سنه وشهرين

عادي جدا بنتي ما مشت الاسنة وثلاث شهور ونص لان طلع لها اسنان

انا بنتي الكبيرة مامشت الا على سنة وثلاثة شهور وبنتي الصغيرة سنة تمام الا هي ماشية