السلام عليكم ورحمة الله وبركاته
ماشاء الله تبارك الله ابشركم انا حامل بفضل من الله ولله الحمد والمنة
تعالو اقولكم وش سويت لاني قبل احمل اتمنى احد ينصحني لو يكلمة وحدة بس بكتب على شكل خطوات
1-اول شي بديت فيه عن قناعة تامة ويقين تام بان الله قادر على كل شي هو الاستغفار نعم الاستغفار ولا تستغفرون شهر وتملون انا جلست تقريبا ثلاث شهور بنية الحمل
2-الدعاء وقيام اخر الليل
3-اكلت حبوب حمض الفوليك 1ملجم
4-اشغلت نفسي عن موضوع الحمل وركزت على مناسبة قريب لي يعني صار تفكيري وش بلبس وين بتصلح اي مشغل ونسيت فكرة الحمل نهائيا ذا الشهر
5- زوجي ماشاء الله قدم اجازة اسبوع وسافرنا وغيرنا جو
نجي الحين للخطوة الثانية واللي هي اعراض الحمل بس قبل ما اقولها احذركم لا تتوهمون انا كل شهر اتوهم ويجيني غثيان وصداع واقول حامل وفي الاخير تشرف الاخت ويضيق صدري لاني حاطة في بالي اني حامل لكن الاعراض اللي حسيت فيهاهي
1-بعد الدورة الشهرية ب3ايام نزل علي نقط دم خفيفة استمرت لمدة 4او5 ايام وخفت لان اول مرة يصير لي هالشي وكتبت موضوع اسال فيه في المنتدى ووحدة الله يجزاها خير قالت ان شاء الله انك حامل بس قلت ماني مفكرة الا لما يجي وقت الدورة ونشوف
2-صدري صاير متحجر مرة وقاسي واي شي يلمسة احس قلبي بطير من الالم
3- افرازات ما قبل الدورة مالها اثر الا لما عدا وقت الدورة نزلت افرازات بيضا من دون رائحة مثل ايام التبويض
4-صايرة مرة حنونة على الاطفال كل ما شفت طفل حضنته مع انها مو عادتي احس فيه شي يشدني بس ما ادري وشو
5- بطني العادة قبل الدورة ينتفخ انتفاخ مب طبيعي ويصير متحجر
6- حسيت بوخز في الجنب الايمن والايسر قبل الدورة بخمس ايام تقريبا
واخيرا الله يرزق كل محروم من الذرية الصالحة وتكفون ادعولي ان الله يفرحني بسماع نبضات جنيني لان الدكتورة تقول النبض مو باين لان يمكن حملت متاخر يعني قبل موعد الدورة الثانية وادعولي ربي يسهل حملي وولادتي واولد طبيعي لان المرة الاولى عملية قيصرية ويرزقني الولد الصالح وانا ماني ناسيتكم بادعيلكم من كل قلبي الله يرزقكم الذرية الصالح ياحي ياقيوم

السلام عليكم ورحمه الله وبركاته

انا بعد حملت بعد زواجي علي طول وجبت حمودي الله يصلحه استخدمت حبوب ياسمين سنه وسبع شهور وبعدين لولب لمده سنه ولي 3 سنوات من شلت اللولب وماربي كتب حمل
بعدين بعد المعاناه مع العلاجات والكلوميدا سوي تحليل زوجي وطلعت النتيجه انه عنده ضعف فالعدد والحركه بسبب الالتهابات ولنا سنه زوجي يتعالج الله يكتبلنا ويكتبلكم الذريه الصالحه يارب
بنات لا تضيعون عمركم وانتم تتعالجون خلو ازواجكم يحللون اناالدكتوره الله يهديها قالت الزوج دام جاب اول مره مافيه شي وطلع السبب من زوجي الله يرزقنا ولا يحرمنا الذريه الصالحه يارب
حمودي اللحين عمره 5سنوات ونص والناس جبيله اخو ولا اخت صح ناس مهبل ليه هو بيدي

غلاي ماشاءالله تبارك الله
الف مليوووووووووووووووووووووووووووووووووون مبروك حبيبتي واللله يسهل حمله وولادته يارب

غلاي انت الف مبروك حبيبتي والله يتمم لك يارب

انا مثلكم عندي ولد عمره 10 سنوات حملت فيه في بداية زواجي ماشاء الله تبارك الله
وقالو دام زوجك جاب اول طفل اكيد هو سليم
طبعا ولدي بسم الله عليه كبر وهو الي زاد نفسيتي تعب وخلاني افكر بالموضوع بشكل جدي اكثر لانه دايم يقول ليه انا ماعندي اخوان وانا طفشان ابي اخوان ومن هالكلام وكل مره يحط راسه على بطني ويقول ابي اسمع اختي او اخوي ...

وبعد تقريبا 8 او 9 سنوات اقتنع انه يكشف وطلع عنده دوالي وسوا العمليه الحمد لله

طبعا لسه باقي معاه ضعف وبطء بالحركه وعملت الاسبوع الماضي تلقيح صناعي وان شاء الله يارب اكون حامل هذا الشهر لاني تعبت من المتابعه والابر والمنشطات ...

الله يكتب لي ولكم كل خير يارب ويرزقنا بالذريه الصالحه ...

انفاس الفجر
الله يرزقك يارب وتكونين حامل بتوم يارب ياكريم
انا حاسه فيك ولدي عمره 5سنوات ونص يقول انتي ياماما ليه ماتقدري تجيبي نونو
قلتله حتي انت يااحمودي مو كافي الناااس الله المستعان بس

غلاي انت الف الف مبروك الله يتمم حملك على خير

الله يرزقنا الذرية الصالحة السليمة المعافاة