تاخر الحمل بين العلم الحديث واصابع الممرخات !!

السلام عليكم حبيباتي :)

شوفوا بقولكم شي وانا يالسه اندب حظي :angry: وبراثن اليأس تنسج خيوطها حولي جان اصرخ :icon28: لنفسي قبل اي حد ثاني وقلت لازم ما استسلم واقاوم هالاحباط اللي ماله داعي "اللي قروا موضوعي السابق يعرفون ليش " فيتني فكره "الفصيحه عاد الحين بتدخل عليكم جامد " خخخخخ


** العلم الحديث المتطور يحذرنا من الدايات والمراخات والمسادات ويقولون لاتاخذون اي شي منهم ممكن اعشابهم تكون ضاره وتي بنتائج عكسية ,,

** المسادات يحذرونا من الدكتاتره ويقولون مايعرفون شي ويجربون عليكم وادويتهم تعالج شي وتدمر اشياء ,

ونحن بين هذا هذاك احترنا واحتار دليلنا ,,

اليوم طلعت بنتيجه بغيت اتناقش وياكم فيها ,, يعني هل معقوله ان اصابع الدايات اللي تعتمد على اللمس فقط أشطر من :
1- الدكاتره اللي شافوا الرحم ومكوناته بالعين مش باللمس ودرسوه وجربوا عليه خلاصه علوم وسنوات خبره
2- الكومبيوتر وشاشته ؟ يعني لما نروح نسوي فحص الترا ساوند وسونار مايبين ان الرحم مائل ؟ اذا كانت البويضه تنشاف والانابيب وفيه اجهزه سمعت انها تبين لك حتي رحلة الحيوانات المنويه واذا تم التلقيح والا لا طبعا هاي احدثها ,, معقوله اللي يشوف هذه الاشياء الدقيقه عاجر عن انه يشوف ميلان الرحم ؟ مهو أكيد راح يبين ما أدري شو رايكم ؟

الشي الثاني ,, حتى اللي عندهم الرحم مائل خلقه او مقلوب يشخصونه الأطباء ويعرفونه ووجدوا له حلول ,, هل فعلا رفع الشي الثقيل والا الحركه اللي مب مناسبه تسبب ميلان الرحم وآلامه ؟ اذا ليش لاعبات الجنباز ينقزن كانهن شياطين ولايشتكن باس وصحتهم ماشاء الله 100%

عصاره مخي تقول : ان التمسيد او التمريخ ممكن يسوي تنشيط للمبايض بالتالي يحدث الحمل وممكن هذا التدليك يقوم بعمل معين يكون عامل مساعد والله اعلم ؟!

هل هذه معتقدات والا خرافات والا شو رايكم خواتي يالله كل وحده تقول رايها وتدعمه بالدليل :)

تحياتي :26: